កូនខ្មែរកាត់បរទេសដែលមានមូលដ្ឋាននៅទីក្រុងប៉ារីសប្រទេសបារាំងនាង Bérénice Marlohe កំពុងលេចធ្លោនៅលើឆាកសិល្បៈបរទេស ហើយនៅពេលថ្មីៗនេះ ប្រជាជនទូទាំងពិភពលោកកំពុងមានភាពភ្ញាក់ផ្អើលជាមួយការសម្តែងរបស់នាងនៅផលិតកម្មយក្សហូលីវូដ ក្នុងរឿង 007 James Bond ដែលគ្រោងនឹងដាក់បញ្ចាំងនៅក្នុងឆ្នាំ២០១២នេះ។
តាមបណ្តាញ Wikipedia បានឲ្យដឹងថា Bérénice Marlohe កើតនៅថ្ងៃទី១៩ មិថុនា ឆ្នាំ១៩៧៩ នៅទីក្រុងប៉ារីស ប្រទេសបារាំង។ សព្វថ្ងៃនាងគឺជាតារាសម្តែងមានឈ្មោះបោះសំឡេងម្នាក់នៅប្រទេសបារាំង ហើយតារារូបនេះបានក្លាយជាតារារបស់ហូលីវូដតាមរយៈការថតរឿង 007 James Bond ទី២៣ ដែលមានចំណងជើងថា Skyfall នៅក្នុងឆ្នាំ២០១២នេះ។ នៅក្នុងរឿងនេះ នាងត្រូវដើរតួដោយមានឈ្មោះថា Sévérine ដោយគ្រោងនឹងដាក់បញ្ចាំងនៅក្នុងឆ្នាំ២០១២នេះ។
ជាមួយនឹងរូបរាង និងត្រេមុនបែបពួកប៉ែកអឺរ៉ុប ដែលដាច់ឆ្ងាយពីបណ្តាជាតិសាសន៍នៅអាស៊ីនោះ តែគេបានដឹងថា Bérénice Marlohe គឺមានឈាមជ័រពាក់កណ្តាលនៅតំបន់អាស៊ី។
