 |
| ពួកមហាសេដ្ឋី (ពីឆ្វេងទៅស្តាំ) លោក វ៉ារ៉េន ប៊ូហ្វេត អ្នកស្រី អូបរ៉ា វីនហ្វេ្រយ លោក ប៊ីល និងអ្នកស្រី ម៉េលីនដា ហ្គេតស៍ លោក ផេតេ ភីធើសុន លោក ឡេអន ប្ល៊ែក លោក ចុន បុន ចូវី លោក ម៉ាក មេនីអូហ្វ លោក ដេវីដ រ៉ូបេនស្តេន លោក ស្តេវ ខេស អ្នកស្រី ឡួរ៉ា អារីល្លាហ្កា-អានឌ្រីស្សេន និងលោក ម៉ាក អានឌ្រីស្សេន |
ដោយបានប្រមូលផ្តុំគ្នានៅខាងក្នុងសាល Trustees Room នៅឯបណ្ណាល័យសាធារណៈក្រុងញូវយ៉ក (NYPL) បុគ្គលទាំងនេះបានបង្កើតជាបណ្តុំអ្នកមានទ្រព្យសម្បតិ្តច្រើនជាងគេបង្អស់នៅក្នុងពិភពលោក។
ក្រុមមហាសេដ្ឋីទាំងដប់ពីររូប លោក វ៉ារ៉េន ប៊ូហ្វេត (Warren Buffet) អ្នកស្រី អូបរ៉ា វីនហ្វេ្រយ (Oprah Winfrey) លោក ប៊ីល និងអ្នកស្រី ម៉េលីនដា ហ្គេតស៍ (Bill and Melinda Gates) លោក ផេធឺ ភីធើសុន (Pete Peterson) លោក ឡេអន ប្ល៊ែក (Leon Black) លោក ចុន បុន ហ្សូវី (Jon Bon Jovi) លោក ម៉ាក មេនីអូហ្វ (Marc Benioff) លោក ដេវីដ រ៉ូបេនស្តេន (David Rubenstein) លោក ស្តេវ ខេស (Steve Case) អ្នកស្រី ឡួរ៉ា អារីល្លាហ្កា-អានឌ្រីស្សេន (Laura Arrillaga-Andreessen) និងលោក ម៉ាក អានឌ្រីស្សេន (Marc Andreessen) ប្រហែលជារកប្រាក់រាប់ពាន់លានដុល្លាររបស់ពួកគេ ពីការខិតខំព្យាយាមផ្សេងៗគ្នាក្នុងនាមជាតារាចម្រៀងរ៉ុក រហូតដល់អ្នកបង្កើតគ្រឿងប្រតិបត្តិរបស់កុំព្យូទ័រ ប៉ុន្តែពួកគេបានរួមគ្នាដើម្បីឧទ្ទិសចំណែកទ្រព្យសម្បត្តិដ៏ធំសម្បើមរបស់ពួកគេចំពោះបុព្វហេតុមនុស្សធម៌។
ទ្រព្យសម្បត្តិរួមរបស់ពួកគេសរុបបានចំនួន១២៦ពាន់លានដុល្លារដ៏គួរឲ្យភ្នាក់ផ្អើលមួយ ដោយលោក ប៊ីល និងលោក វ៉ារ៉េន ប៊ូហ្វេត ស្ថិតនៅលំដាប់ទីមួយនិងទីពីររៀងគ្នា។ អ្នកឈានមុខគេនៃក្រុមមហាសេដ្ឋីទាំងពីររូបនេះបានគាំទ្រដល់កិច្ចប្រជុំកំពូលស្តីពីជំនួយមនុស្សធម៌ ទីដែលជនអ្នកមានជាងគេបង្អស់ចំនួន១៦១រូបនៅក្នុងសហរដ្ឋអាមេរិក បានជួបប្រជុំគ្នាដើម្បីចែករំលែកទស្សនៈគ្នាទៅវិញទៅមក អំពីរបៀបដែលទ្រព្យសម្បត្តិអាចនឹងធ្វើការបែងចែកទៅលើការអប់រំ ភាពក្រីក្រ សាសនា ឱសថ និងបរិស្ថាន។
ក្រុមមហាសេដ្ឋីទាំងនេះបានថតរូបនៅក្នុងសង្កាត់ម៉ាន់ហាតាន នៃទីក្រុងញូវយ៉ក កាលពីថ្ងៃទី២៦ ខែមិថុនាឆ្នាំនេះ សម្រាប់ទិវាបុណ្យខួបទស្សនាវដ្តី Forbes 400។
សហរដ្ឋអាមេរិកនៅតែមានចំណែកក្រុមមហាសេដ្ឋីប្រាក់ខ្ទង់ពាន់លានដុល្លារច្រើនជាងគេបំផុតក្នុងចំណោមប្រទេសទាំងអស់ដោយមាន៤៨០នាក់។
កំពូលអ្នកមានជាងគេបង្អស់នៅក្នុងទស្សនាវដ្តី Forbes 400 សរសេរថា ៖ លោក ប៊ីល ហ្គេតស៍ (៦៦ពាន់លានដុល្លារ) លោក វ៉ារ៉េន ប៊ូហ្វេត (៤៦ពាន់លានដុល្លារ) លោក ឡារី អេល្លីសុន (៤១ពាន់លានដុល្លារ) លោក ឆាលស៍ ខូច (៣១ពាន់លានដុល្លារ) លោក ដេវីដ ខូច (៣១ពាន់លានដុល្លារ) អ្នកស្រី គ្រីស្ទី វ៉ាលតុន និងគ្រួសារ (២៧,៩ពាន់លានដុល្លារ) លោក ជីម វ៉ាលតុន (២៦,៨ពាន់លានដុល្លារ) អ្នកស្រី អាលីស វ៉ាលតុន (២៦,៣ពាន់លានដុល្លារ) លោក សាម្យ៉េល រ៉ប់សុន វ៉ាលតុន (២៦,១ពាន់លានដុល្លារ) និងលោក ម៉ៃឃើល ប្ល៊ូមប៊ើក (២៥ពាន់លានដុល្លារ)។
លោក ម៉ាក ហ្សាក់ឃើប៊ើក បានជាប់នៅលើបញ្ជី ប៉ុន្តែបានបាត់បង់ស្ទើរតែពាក់កណ្តាលនៃលុយ១៧,៥ពាន់លានដុល្លាររបស់គាត់ បន្ទាប់ពីការបើកលក់ផ្សារហ៊ុនជាលើកដំបូងយ៉ាងបរាជ័យរបស់ក្រុមហ៊ុន Facebook ។ ស្ថាបនិកនៃវេបសាយបណ្តាញសង្គមរូបនេះបច្ចុប្បន្នមានទ្រព្យសម្បត្តិ៩,៤ពាន់លានដុល្លារ ដោយឃើញថាបាត់បង់អស់៨,១ពាន់លានដុល្លារ ពីទ្រព្យសម្បត្តិផ្ទាល់ខ្លួនរបស់គាត់កាលពីជាង១២ខែមុន។
យោងតាមបញ្ជីឈ្មោះរបស់ទស្សនាវដ្តី Forbes នៃក្រុមជនជាតិអាមេរិកមានៗជាងគេបង្អស់៤០០នាក់សម្រាប់ឆ្នាំ២០១២ ឲ្យដឹងថា លោក ហ្សាក់ឃើប៊ើក បានបាត់បង់លុយច្រើនជាងអ្នកគ្រប់គ្នាទាំងអស់ ដោយរុញឲ្យគាត់ធ្លាក់ពីចំណាត់ថ្នាក់ទី១៤ ទៅដល់ចំណាត់ថ្នាក់ទី៣៦។
ស្ថាបនិកក្រុមហ៊ុន Microsoft លោក ប៊ីល ហ្គេតស៍ បានបន្តស្ថិតនៅក្បាលបញ្ជីក្រុមជនជាតិអាមេរិកមានៗជាងគេបង្អស់ជាមួយនឹងទ្រព្យសម្បត្តិ៦៦ពាន់លានដុល្លារ ដែលតាមពីក្រោយដោយអ្នកវិនិយោគ លោក វ៉ារ៉េន ប៊ូហ្វេត ដែលមានទ្រព្យសម្បត្តិ៤៦ពាន់លានដុល្លារ៕
