.jpg)
ខេត្ដកំពង់ចាម ៖ ក្មេងស្ទាវដែលគេចាត់ទុកថាជាក្មេងទំនើង២នាក់ ត្រូវកម្លាំងនគរបាលការិយាល័យព្រហ្មទណ្ឌកំរិតស្រាល នៃស្នងការដ្ឋាននគរបាលខេត្ដកំពង់ចាមឃាត់ខ្លួន ខណៈពួកគេជិតម៉ូតូជ្រែនិងបង្ហោះ រួចដាក់ភ្លើងឡាស៊ែបាញ់ បញ្ចូលភ្នែកអ្នកដំណើរឯទៀត។
ការឃាត់ខ្លួនក្មេងទំនើងទាំង២ខាងលើ នេះ នគរបាលបានធ្វើឡើងកាលពីម៉ោង ៩និង១០នាទីថ្ងៃទី២៤ ខែកញ្ញា ឆ្នាំ ២០១២ នៅលើដងផ្លូវសាធារណៈក្នុង ខេត្ដកំពង់ចាម។
មន្ដ្រីនគរបាលការិយាល័យព្រហ្មទណ្ឌ កំរិតស្រាលនៃស្នងការដ្ឋាននគរបាល ខេត្ដកំពង់ចាម បានឱ្យដឹងថា ក្មេងទាំង២ រូបដែលពូកែខាងបង្ហោះម៉ូតូនិងដាក់ ភ្លើងឡាស៊ែ រំខានដល់អ្នកធ្វើដំណើរ ដែលត្រូវបានឃាត់ខ្លួន ទី១-ឈ្មោះ ឡឹម ម៉ូសា អាយុ២៩ឆ្នាំ រស់នៅភូមិព្រែកតូច ឃុំជីរោទី១ និងទី២-ឈ្មោះ គឹម សុខស្រ៊ុន អាយុ២៩ឆ្នាំរស់នៅភូមិ-ឃុំទន្លេបិត ស្រុកត្បូងឃ្មុំ ខេត្ដកំពង់ចាម។
គួរបញ្ជាក់ថា ក្មេងទំនើងទាំងពីរនាក់ នេះត្រូវបានឃាត់ខ្លួនខណៈដែលកម្លាំង ការិយាល័យព្រហ្មទណ្ឌកំរិតស្រាលសហ ការជាមួយកម្លាំងអន្ដរាគមន៍ ពេលកំពុង ជិះយាមល្បាតនៅគល់ស្ពានគីហ្សូណា ស្ថិតក្នុងក្រុង-ខេត្ដកំពង់ចាម។
ប្រធានការិយាល័យព្រហ្មទណ្ឌកម្រិត ស្រាល លោក សុខ សំបូរ បានឱ្យដឹងថា ការឃាត់ខ្លួនក្មេងទំនើងទាំង២ខាងលើនេះ ក្នុងប្រយោជន៍ ដើម្បីរក្សាសណ្ដាប់ធ្នាប់ សុវត្ថិភាពអ្នកដំណើរលើផ្លូវទីសាធារណៈ ដើម្បីអប់រំពួកគេកុំឱ្យធ្វើបែបនេះទៀត។ ជាពិសេស ការបើកបរមិនត្រូវប្រើល្បឿនលឿន និង ប្រើភ្លើងឡាស៊ែ បើកបាញ់ចំមុខអ្នកធ្វើ ដំណើរ ដែលជានេះជាការរំខាន និងប៉ះ ពាល់ដលសណ្ដាប់ធ្នាប់ទីសាធារណៈនៅ ក្នុងទីរួមខេត្ដ ដែលជាទីប្រជុំជនផងដែរ។ មន្ដ្រីខាងលើបានបន្ដថា នៅបន្ទាប់ពីឱ្យ ពួកគេធ្វើកិច្ចសន្យាឈប់ប្រព្រឹត្ដបែបនេះ ទៀតនោះសមត្ថកិច្ចបានដោះលែងពួក គេនៅបន្ទាប់ពីឃាត់ខ្លួនផងដែរ ៕
