ភ្នំពេញ ៖ ស្ដ្រីរូបស្រស់ស្អាតម្នាក់ជនជាតិវៀតណាមបានប៉ុនប៉ងធ្វើអត្ដឃាតដោយលោតទឹកសម្លាប់ខ្លួន ប៉ុន្ដែត្រូវបុរសម្នាក់ក្លា ហានហ៊ានលោតចូលទៅស្រង់ពីទឹកមកវិញ ។
ភាពភ្ញាក់ផ្អើលនេះកើតឡើងនៅវេលាម៉ោង៦និង១៥នាទីល្ងាច ថ្ងៃទី១៧ ខែកញ្ញា ឆ្នាំ២០១២ ស្ថិតនៅមុខរូបសំណាក តេជោយ៉ត តាមបណ្ដោយផ្លូវព្រះស៊ីសុវត្ថិ សង្កាត់ជ័យជំនះ ខណ្ឌដូនពេញ ។
តាមប្រភពព័ត៌មានពីបុរសដែលជួយសង្គ្រោះនារីប៉ុនប៉ងលោតទឹកសម្លាប់ខ្លួននោះឈ្មោះ ប៊ុន លី អាយុ២៤ឆ្នាំ មុខរបរ ជាបុគ្គលិកសណ្ឋាគារអូហាណា មានស្រុកកំណើតនៅភូមិតានន ឃុំដូង ស្រុកបាទី ខេត្ដតាកែវ ហើយនារីដែលប៉ុនប៉ង លោតទឹកសម្លាប់ខ្លួនឈ្មោះ ច័ន្ទី អាយុ១៩ឆ្នាំ ជាជនជាតិវៀតណាម ចេះនិយាយភាសាខ្មែរ ។ តាមប្រភពដដែលបាន ប្រាប់ថា មុនពេលកើតហេតុគាត់បានអង្គុយលេងនៅចំណុចកើតហេតុខាងលើ ដែលនៅក្បែរនារីរូបនេះ ស្រាប់តែឃើញ នាងកំពុងអង្គុយយំ មួយសន្ទុះក្រោយមកនាងក៏បានរត់ទៅលោតទឹកតែម្ដង ខណៈគាត់ឃើញដូច្នេះ គាត់ក៏បានលោត ទៅជួយនារីរងគ្រោះរូបនោះ ដោយមិនខ្លាចគ្រោះថ្នាក់អ្វីឡើយ ។ ក្រោយពីជួយសង្គ្រោះបានហើយ នារីដ៏ស្រស់ស្អាត រូបនេះនៅតែព្យាយាមចង់ធ្វើអត្ដឃាតទៀត ប៉ុន្ដែដោយបានប្រជាពលរដ្ឋ ក៏ដូចជាសមត្ថកិច្ចក្នុងមូលដ្ឋានបានអប់រំណែ នាំកុំឱ្យប្រព្រឹត្ដអំពើដ៏ល្ងង់ដូច្នេះទៀត ។ មូលហេតុដែលនាងមកលោតទឹកសម្លាប់ខ្លួននេះ គឺនាងជួបនូវវិបត្ដិស្នេហា ។ក្រោយមកគេបានឃើញស្ដ្រីម្នាក់មកអះអាងថា ខ្លួនជាបងស្រីបង្កើតនារីរូបនេះ ក៏សុំយកនារីរូបនោះទៅផ្ទះវិញ ដោយមានការអនុញ្ញាតពីសមត្ថកិច្ចមូលដ្ឋានផងដែរ ៕
.jpg)
