ក្រុមអាវលឿង និងក្រហមប៉ះគ្នា មួយប្រាវរបួស ៥នាក់ ហូរឈាម រហាម

បាងកកៈ យោងតាមសារព័ត៌មានថៃឈ្មោះ អាយអ៊ិនអ៊ិន ” INN ” ចុះផ្សាយនៅរាត្រី ថ្ងៃអង្គារនេះថា ក្រុមអ្នកគាំ ទ្ររបស់ថៃអាវលឿង និងក្រុមអាវក្រហមបានប៉ះគ្នាមួយចំអិនកំពិស នៅមុខតុលាការ កំពូល បណ្ដាលឱ្យអ្នកគាំ ទ្រ៥នាក់ រងរបួសធ្ងន់ និងមានការបង្ហូរឈាមរហាម ខណៈដែលមានក្រុម តម្រួតថៃ ចូលធ្វើអន្ដរាគមន៍ផងដែរ ។

នៅថ្ងៃអង្គារនេះ គេឃើញក្រុមអាវលឿងបាននាំគ្នាប្រមូលផ្ដុំនៅមុខតុលាការកំពូលថៃ  នាទីក្រុងបាងកក ប្រទេស ថៃឡង់ដ៏ ហើយក្រោយមកក៏មានភាពចម្រូង ចម្រាលគ្នា និងប៉ះទង្គិច ជាមួយអ្នកគាំទ្រ ក្រុមអាវក្រហម បណ្ដាល ឱ្យរងរបួស តែម្ដង ។

សារព័ត៌មានខាងលើមិនទាន់រាយការណ៍លម្អិតច្បាស់អំពីមូលហេតុនៃការប៉ះទង្គិចនេះនៅឡើយទេ និងមិនបាន លម្អិតទៅលើករណីដែលបង្កឱ្យមានការប្រមូលផ្ដុំគ្នានេះយ៉ាងណានោះដែរ ៕