ខេត្តរតនគិរី ៖
ជនជាប់សង្ស័យសម្លាប់អ្នកកាសែតវរជន
២នាក់ប្តី-ប្រពន្ធដែលឃាត់ខ្លួន
បន្ទាប់ពីរកភស្តុតាងពាក់ព័ន្ធឃើញខ្លះៗនោះត្រូវបានបញ្ជូន
ទៅកាន់សាលាដំបូងខេត្តរតនគិរី កាលពីព្រឹកថ្ងៃទី១៦ កញ្ញា ២០១២
ដើម្បីព្រះរាជអាជ្ញាសាកសួរដាក់បន្ទុក
ហើយប៉ុន្មានម៉ោងក្រោយមកក៏បញ្ជូនទៅឃុំខ្លួនបណ្តោះអាសន្ននៅពន្ធ
នាគារខេត្តរង់ចាំស៊ើបអង្កេត និងបើកសវនាការ ។
គួររំលឹកថា លោកហង្ស សេរីឧត្តម
ត្រូវបានឃាតករដែលទំនងជាមានគ្នាច្រើននាក់សម្លាប់យ៉ាងព្រៃ
ផ្សៃដោយកាប់ចិញ្ច្រំាផ្ទៃមុខនិងខ្លួនប្រាណ
ហើយយកសពញាត់ចូលក្នុងឃ្លុបគូទរថយន្តរបស់លោក
រួចយកទៅប្លុងចោលក្នុងព្រៃចម្ការស្វាយចន្ទីមួយកន្លែង ។
ទោះជាបែបណា កាលពីព្រឹកថ្ងៃទី១៣ កញ្ញា
នៅទីតាំងហាងផឹកស៊ីមួយកន្លែងយីហោ «ម្លប់ដូង
»ដែលស្ថិតនៅខាងត្បូងកីឡដ្ឋានជិតវិមានសពក្នុងភូមិទេសអន្លង់
សង្កាត់បឹងកន្សែង ក្រុងបានលុង
គឺជាទីតាំងជាប់សង្ស័យក្នុងសំណុំរឿងសម្លាប់អ្នកកាសែតនេះ ។
ក្រុមសមត្ថកិច្ចចម្រុះដឹកនាំដោយព្រះរាជ
អាជ្ញារង លោកជា សុភ័ក្ត្រ បានអនុវត្តដីកាឆែកឆេរ
មួយនៅក្នុងបរិវេណហាងម្លប់់ដូងនោះ ។
ការឆែកឆេរបានផ្តល់ជាពន្លឺសម្រាប់ការឈាននៅ
វែកមុខក្រុមជនដៃដល់ក្នុងឃាតកម្ម គួរឱ្យភ្ញាក់ផ្អើលនេះហើយ ។
ទាក់ទិននឹងករណីចុះឆែកឆេរលំនៅឋានជាទីតាំងហាងផឹកស៊ី
នេះ ប្រភពព័ត៌មានបានឱ្យដឹងថា
នៅពេលសមត្ថកិច្ចចុះទៅដល់គេសង្កេតឃើញសម្ភាររបស់របរ
និងអីវ៉ាន់មួយចំនួនត្រូវបានវេចខ្ចប់ហាក់ដូចជា
ត្រៀមលក្ខណៈចាកចេញពីទីនោះ ។
ក្រៅពីរបស់របរត្រូវបានវេចខ្ចប់
ក៏គេឃើញយុវជនជំទង់អាយុ១៦ទៅ១៧ឆ្នាំ២នាក់នៅចាំ
ទីតាំងនោះ ។ យុវជនទាំង២នាក់នេះបានប្រាប់ថា
សមាជិកនៅក្នុងហាងបានយករបស់របរផ្ទាល់ខ្លួនមួយចំនួន
ចាកចេញមុននេះ២ម៉ោង តាមរយៈរថយន្តកាមរីបាឡែន
ឯពួកខ្លួនត្រូវគេឱ្យមកចាំនៅព្រឹកនេះប៉ុណ្ណោះ ។
មន្ត្រីប៉ូលិសឱ្យដឹងថា
លំនៅឋាននិងធ្វើជាហាងផឹកស៊ីនេះ
គឺម្ចាស់បានជួលបន្តឱ្យឈ្មោះអា៊ន ប៊ុនហេង ហៅអេង
ជាមន្ត្រីកងរាជអាវុធហត្ថខេត្ត ។
មន្ត្រីសមត្ថកិច្ចឱ្យដឹងថា ឈ្មោះអេង
បានជួលទីតាំងនេះបើកហាង និងផ្ទះស្នាក់នៅ ។
សមត្ថកិច្ចបានហៅម្ចាស់ហាងនេះគឺប្រពន្ធរបស់ឈ្មោះអេង
មកស្តាប់ដីកាឆែកឆេរលំនៅឋាន
ហើយក៏បានធ្វើការឆែកឆេររកវត្ថុតាង
ប៉ុន្តែពុំឃើញអ្វីក្រៅរបស់របរមួយចំនួនដែលត្រូវវេច
ខ្ចប់រួចនោះទេ
តែបានឃើញកម្រាលពួកមួយផ្ទាំងត្រាំទឹកចានដែកមានធុំ
ក្លិនស្អុយអសោចគួរឱ្យចាប់អារម្មណ៍
ប៉ុន្តែពុំមានស្នាមប្រឡាក់ឈាមនោះទេ
ហើយសមត្ថកិច្ចក៏មិនអាចដាក់ការសង្ស័យបាន
ព្រោះរយៈពេលច្រើនថ្ងៃមកហើយ ដែលអ្វីនៅក្នុងផ្ទះ
និងនៅជុំវិញផ្ទះត្រូវបានរៀបរយ ។ ម្យ៉ាងវិញទៀត
ប៉ុន្មានថ្ងៃនោះមេឃភ្លៀងជោកជាំខ្លាំងស្ទើររាល់ថ្ងៃ
ធ្វើឱ្យរលុបស្លាកស្នាមផងដែរ ។
ប៉ុន្តែទោះជាយ៉ាងនេះក្តី
សមត្ថកិច្ចបានបង្ហើបថា ថ្វីបើរុករកមិនឃើញ
តែសមត្ថកិច្ចបានរកឃើញស្បែកជើងមួយគូជារបស់ជនរងគ្រោះនៅក្រៅ
របងផ្ទះ កាលពីថ្ងៃទី១២ កញ្ញា មុនពេលចុះមកឆែកឆេរ
ដែលនោះជាពន្លឺរួចទៅហើយ
និងរកឃើញកូនកាំបិតប្រឡាក់ឈាមមួយផងដែរ ក្នុងថ្ងៃឆែកឆេរនោះ
៕
