ខេត្ដកំពង់ចាម ៖ ជនសង្ស័យជាចោរលួចម៉ូតូម្នាក់ត្រូវកម្លាំងកងរាជអាវុធហត្ថស្រុកព្រៃឈរចាប់ខ្លួន នៅបន្ទាប់ពីលួចម៉ូតូរបស់គេកាលពីវេលាម៉ោង៧ និង១០នាទីព្រឹក ថ្ងៃទី២៤ ខែកញ្ញា ឆ្នាំ២០១២ នៅភូមិបឹងកុក២ សង្កាត់បឹង កុក ក្រុង-ខេត្ដកំពង់ចាម ។
មន្ដ្រីកងរាជអាវុធហត្ថស្រុកព្រៃឈរបានឱ្យដឹងថា ជនសង្ស័យជាចោរលួច ម៉ូតូស្គូពីត្រូវបានចាប់ខ្លួន នៅបន្ទាប់ពី ម្ចាស់ម៉ូតូឈ្មោះ ឃុន វ៉ាន់ ភេទស្រី អាយុ៥៣ឆ្នាំ រស់នៅភូមិបឹងកុក២ សង្កាត់ បឹងកុក ក្រុង-ខេត្ដកំពង់ចាម បានប្ដឹង មកកងរាជអាវុធហត្ថថាមានចោរលួច យកម៉ូតូរបស់គាត់ ។ មន្ដ្រីដដែលបាន ឱ្យដឹងទៀតថា ជនជាប់សង្ស័យជាចោរ លួចម៉ូតូឈ្មោះ ហ៊ិន ចន្ថា ហៅ រដ្ឋា អាយុ២៨ឆ្នាំ មានទីលំនៅភូមិតាសែន ឃុំសូទិព្វ ស្រុកជើងព្រៃ ខេត្ដកំពង់ចាម។
តាមម្ចាស់ម៉ូតូឈ្មោះ ឃុន វ៉ាន់ បានឱ្យដឹងថា កាលពីវេលាម៉ោង៧និង១០នាទី ម៉ូតូរបស់គាត់ម៉ាកស្គូពីទិញមកមិនទាន់បានធ្វើស្លាកលេខ បានទុកនៅមុខផ្ទះ តែ ពុំបានដកសោចេញនោះទេ ហើយត្រូវ ជនសង្ស័យលួចយកទៅបាត់ ។ បន្ទាប់ពី បាត់ម៉ូតូពីមុខផ្ទះ គាត់ក៏បានទៅប្ដឹងកង រាជអាវុធហត្ថខេត្ដកំពង់ចាម ។
មន្ដ្រីកងរាជអាវុធហត្ថស្រុកជើងព្រៃ បានឱ្យដឹងថា ក្រោយពីទទួលបញ្ជាពី លោក ឧត្ដមសេនីយ៍ត្រី វ៉ា សារិទ្ធ មេ បញ្ជាការកងារជអាវុធហត្ថខេត្ដកំពង់ចាម រួចមក កម្លាំងមូលដ្ឋានកងរាជអាវុធ ហត្ថស្រុកព្រៃឈរបានស្ទាក់ចាប់បានជនសង្ស័យនៅចំណុចផ្សារព្រៃទទឹង ស្ថិតក្នុង ភូមិព្រៃទទឹង ឃុំជ្រៃវៀន ស្រុកព្រៃឈរ ខណៈដែលជនសង្ស័យជាចោរកំពុងតែធ្វើ ដំណើរតាមម៉ូតូស្គូពីដែលគេលួចបាន មកនោះ នាវេលាម៉ោង៧និង៣០នាទីថ្ងៃ ដដែល ។ ក្រោយពីឃាត់ខ្លួនជនសង្ស័យ និងម៉ូតូកម្លាំងមូលដ្ឋានកងរាជអាវុធហត្ថ ស្រុកព្រៃឈរបានបញ្ជូនជនសង្ស័យនិង ម៉ូតូទៅកាន់ទីបញ្ជាការកងរាជអាវុធហត្ថខេត្ដកំពង់ចាមវិញដើម្បីបន្ដនីតិវិធី ៕
