ក្រុងកាល់ស្រ៊ូហេ: ក្រុមអ្នកតវ៉ារាប់រយនាក់បាននាំគ្នាដើរក្បួនទៅកាន់តុលាការកំពូលអាល្លឺម៉ង់នៅក្នុងក្រុងកាល់ស៊្រូហេ កាលពីថ្ងៃសៅរ៍ដោយជំរុញឲ្យតុលាការទាត់ចោលមូលនិធិសង្គ្រោះថ្មីរបស់តំបន់ចាយប្រាក់អឺរ៉ូក្នុងការសម្រេចដែលគេរង់ចាំយ៉ាងអន្ទះសារបស់ខ្លួននៅសប្ដាហ៍នេះ និងសម្ដែងពីការលំបាកកើនឡើងជាមួយនឹងកញ្ចប់ថវិកាសង្គ្រោះនេះ។
អ្នកតវ៉ាប្រមាណ៧០០នាក់ដែល កំពុងស្រែកព្រមៗគ្នាថា«យើងគឺ ជាមនុស្ស» បាននាំតវ៉ាតាមដងផ្លូវដោយអំពាវនាវឲ្យតុលាការធម្ម-នុញ្ញអាល្លឺម៉ង់ទទួលស្គាល់ថា យន្ត ការស្ថិរភាពអឺរ៉ូប(ESM)ប៉ះពាល់ដល់អធិបតេយ្យភាពថវិកាសភា។
អ្នកតវ៉ា់ លោកហ្វីលីព ផូរ៉េប បាននិយាយថា៖«យន្តការនេះមិនត្រូវគ្នានឹងទស្សនប្រជាធិបតេយ្យ សេរីភាពនិងអធិបតេយ្យភាព»។
អ្នកជាច្រើនទៀត បានគ្រវីបដាសរសេរថា «មឺកែល! អ្នកណានឹង ចំណាយរឿងនេះ» «បញ្ឈប់ យន្តការESM»និង«បញ្ឈប់អតិផរណា និងសហភាពបំណុល» ដោយឆ្លុះបញ្ចាំងពីការលំបាកកើនឡើងនៅអាល្លឺម៉ង់ជាមួយនឹងថវិកាសង្គ្រោះនិងវិធានការវិបត្តិរបស់អឺរ៉ុប។
