.jpg)
ភ្នំពេញ ៖ នៅថ្ងៃទី៨ខែកញ្ញា នេះ លោក ទេព នីថា អគ្គលេខាធិការគណៈកម្មាធិការជាតិរៀបចំការបោះឆ្នោត(គ.ជ.ប.) បានប្រាប់ឲ្យដឹងថា គ.ជ.ប.បានសម្រេចបង្កើតមជ្ឈមណ្ឌលស្វែងរកឈ្មោះអ្នកបោះឆ្នោតតាមប្រព័ន្ធអ៊ីនធឺណែត ដើម្បីបងប្អូនប្រជាពលរដ្ឋងាយស្រួលក្នុងការ រកមើលឈ្មោះបោះឆ្នោតនៅពេលខាងមុខនេះ ។ លោកអគ្គលេខាធិការ មានប្រសាសន៍ថា ចាប់តាំងពីប្រកាសឲ្យបងប្អូនប្រជាពលរដ្ឋទៅពិនិត្យបញ្ជីឈ្មោះ និងចុះឈ្មោះបោះឆ្នោត ដែលបានផ្តើមពីថ្ងៃទី០១ ខែកញ្ញាមក ថ្នាក់ដឹកនាំគណៈកម្មាធិការជាតិរៀបចំការបោះឆ្នោត (គ.ជ.ប.) បានចុះពិនិត្យមើលដំណើរការនេះនៅតាមបណ្តាឃុំ សង្កាត់ នៅក្នុងរាជធានី ភ្នំពេញ ហើយស្ថានការទូទៅក្នុងរយៈពេលមួយសប្តាហ៍នៃដំណើរការនេះ បានប្រព្រឹត្តទៅ យ៉ាងល្អ ទាំងសណ្តាប់ធ្នាប់ សុវត្ថិភាព និងទទួលលទ្ធផលគួរឲ្យកត់សម្គាល់ ។ ក្នុងរាជធានីភ្នំពេញ នៅតាមសាលារាជធានី និងសាលាខណ្ឌទាំង៨ បានជូយជំរុញឲ្យ គ្រប់សង្កាត់ទាំងអស់ ប្រើប្រាស់ប្រព័ន្ធអ៊ីនធឺណែត ស្វែងរកឈ្មោះអ្នកបោះឆ្នោត ដើម្បីជា ជំនួយក្នុងការពិនិត្យបញ្ជីឈ្មោះ និងចុះឈ្មោះបោះឆ្នោត ។
លោកអគ្គលេខាធិការ បានបញ្ជាក់ថា នៅថ្ងៃទី០៧ ខែកញ្ញា ឆ្នាំ២០១២ គ.ជ.ប. បានសម្រេចជាគោលការណ៍ឲ្យលេខាធិការដ្ឋានរាជធានី-ខេត្តរៀបចំការបោះឆ្នោត រៀបចំ បង្កើតមជ្ឈមណ្ឌលស្វែងរកឈ្មោះអ្នកបោះឆ្នោត ក្នុងបញ្ជីបោះឆ្នោតតាមប្រព័ន្ធអ៊ីនធឺណែតៈ តាមគេហទំព័រ www.voterlist.org.kh ដើម្បីផុ្តល់ព័ត៌មានជូនអ្នកបោះឆ្នោត ។ ជាងនេះទៅ ទៀត គ.ជ.ប. ក៏បានធ្វើលិខិតមួយកាលពីថ្ងៃទី០៨ ខែកញ្ញា ឆ្នាំ២០១២ ផ្ញើជូនក្រសួងមហា ផ្ទៃ ដើម្បីសុំជួយអន្តរាគមន៍ដល់អភិបាល នៃគណៈអភិបាលរាជធានី-ខេត្ត បង្កលក្ខណៈ ងាយស្រួលឲ្យសាលាឃុំ សង្កាត់ នៃរាជធានី-ខេត្តណា ដែលមានលទ្ធភាពនិងសមត្ថភាព អាចប្រើប្រាស់កុំព្យូទ័រជាមួយនឹងអ៊ីនធឺណែតបាន សំដៅពង្រឹងគុណភាពបញ្ជីបោះឆ្នោត និងបម្រើសេវាជូនប្រជាពលរដ្ឋក្នុងការស្វែងរកឈ្មោះ និងទិន្នន័យក្នុងពេលពិនិត្យបញ្ជី ឈ្មោះ និងចុះឈ្មោះបោះឆ្នោត ។
សូមជម្រាបជូនផងដែរ គ.ជ.ប. នឹងរៀបចំកិច្ចប្រជុំជាមួយតំណាងគណបក្សនយោ បាយ អង្គការក្រៅរដ្ឋាភិបាលនៅថ្ងៃទី១១ ខែកញ្ញា ឆ្នាំ២០១២ខាងមុខ ដើម្បី ផ្បព្វផ្សាយ អំពើការប្រព្រឹត្តិទៅនៃការ ពិនិត្យបញ្ជីឈ្មោះ និងចុះឈ្មោះបោះឆ្នោត ៕
.jpg)
