និស្សិតសាកលវិទ្យាល័យ បៀលប្រាយជិះម៉ូតូ បុករថយន្តពីក្រោយ ដួលបាក់កស្លាប់

 















ភ្នំពេញៈ នារីជានិស្សិតសាកលវិទ្យាល័យបៀល ប្រាយម្នាក់ សិក្សានៅឆ្នាំទី៣ បានជិះម៉ូតូបុករថយន្តកូរ៉េ ពីក្រោយ បណ្តាលឲ្យដួលបោកក្បាល ទៅលើថ្នល់បាក់កស្លាប់ នាវេលាម៉ោង ៦ និង៣០នាទីព្រឹកថ្ងៃអង្គារ ទី០៤ ខែកញ្ញា ឆ្នាំ២០១២ នៅតាមបណ្តោយផ្លូវលេខ ២៧១ ទល់មុខផ្ទះលេខ ១០៦ សង្កាត់ទួលទំពូង ២ ខណ្ឌចំការមន។
នារីជានិស្សិតរងគ្រោះខាងលើនេះ ត្រូវបានសមត្ថកិច្ចប្រាប់ឲ្យដឹងថា មានឈ្មោះ ហ៊ាន សុវណ្ណនី អាយុ ២៤ឆ្នាំ ជិះម៉ុតូគប់មូល ពណ៌ផ្ទៃមេឃ ពាក់ស្លាលេខ ភ្នំពេញ 1AM-7343។
សាក្សីនៅកន្លែងកើតហេតុ បានឲ្យដឹងថា នៅមុនពេលកើតហេតុនារីរងគ្រោះបានជិះម៉ូតូតាមបណ្តោយផ្លូវ លេខ ២៧១ ក្នុងទិសដៅពីជើងទៅត្បូងស្របទិសគ្នាជាមួយ នឹងរថយន្តកូរ៉េមួយគ្រឿង ពណ៌ទឹកប៊ិច ពាក់ ស្លាកលេខ ភ្នំពេញ 3B-5644។ លុះដល់ចំណុចកើតហេតុរថយន្តខាងលើបានទុចដំណើរ ហើយចាប់ ហ្រ្វាំងទាំងបង្ខំនោះ ទើបបណ្តាលឲ្យនារីរងគ្រោះ ដែលជិះម៉ូតូពីក្រោយក៏ជ្រុលទៅបុកហើយដួលបោក ក្បាលទៅនឹងថ្នល់បាក់កស្លាប់តែម្តង។
ក្រោយពេលកើតហេតុបុរសជាអ្នកបើកបរ ហ៊ុន ចាន់ថន ត្រូវបានសមត្ថកិច្ចឃាត់ខ្លួន រីឯរថយន្ត  និងម៉ូតូ ជនរងគ្រោះ សមត្ថកិច្ចយកទៅរក្សាទុកនៅការិយាល័យនគរបាលចរាចរណ៍ជើងគោករង់ចាំការដោះ ស្រាយ។
ដោយឡែកសពនារីរងគ្រោះ ត្រូវបានក្រុមគ្រួសារមកយកទៅធ្វើបុណ្យតាមប្រពៃណី៕