ហេតុការណ៍នេះ បានកើតឡើង កាលពីវេលាម៉ោង១០និង៣០នាទីព្រឹកថ្ងៃទី៩ខែធ្នូ២០១២ នៅចំណុចមាត់ទន្លេសាប ខាងកើតផ្សារកណ្តាល ស្ថិតក្នុងសង្កាត់ផ្សារកណ្តាល១ ខណ្ឌដូនពេញ។
នារីដែលប៉ង ធ្វើអត្តឃាតបានប្រាប់ថា នាងឈ្មោះវល័ក្ខណ៍ អាយុ២៥ឆ្នាំ។ នាងព្យាយាមមិនប្រាប់ពីអសយដ្ឋានឡើយ។ នាងបញ្ជាក់ថា នាងមានឪពុកម្តាយធ្វើការនៅទីស្តីការគណៈរដ្ឋមន្ត្រី។ នាងត្រូវបានឪពុកម្តាយកាត់កាលចោលទើបពិបាកចិត្តពេកមកលោតទឹក សម្លាប់ខ្លួនតែម្តង។
សាក្សីបាននិយាយថា ដំបូងគេឃើញនារីរងគ្រោះចុះពីលើម៉ូតូឌុបដោះស្បែកជើង ហើយនៅកជើងមានពាក់ខ្សែជើងមាស ដើរសំដៅទៅមាត់ទន្លេរួចលោតចូលទឹកតែម្តង។ ពួកយុវជនដែលដើរកម្សាន្តមាត់ទន្លេឃើញក៏ជួយស្រង់ពីក្នុងទឹកជួយ ធ្វើចលនាបេះដូងដឹងខ្លួនក៏នាំគ្នាសែងប្រគល់ឲ្យប៉ូលិសប៉ុស្តិ៍ ដើម្បីស្វែងរកក្រុមគ្រួសារមកទទួលយកទៅវិញ៕ (CEN)
