ដើមគ្រីស្មាក់ដ៏ធំ ត្រៀមស្វាគមន៍ បុណ្យណូអែល នៅវ៉ាស៊ីនតោន

វ៉ាស៊ិនតោន, (ស៊ិនហួ)៖ ដោយបណ្តាប្រទេសជាច្រើន នៅលើសកលលោក បានត្រៀមរួចជាស្រេចនូវ ដើមណូអែល តូច ធំ ដែលនិមិត្តរូប ដ៏ សំខាន់សម្រាប់ពិធីបុណ្យ ដ៏សប្បាយរីករាយនេះ។
ដោយឡែកនៅឯរដ្ឋធានី វ៉ាស៊ីនតោន ដែលជាទីក្រុងនយោបាយស្នូល របស់សហរដ្ឋអាមេរិកនោះ ក៏បានត្រៀមរៀបចំសម្រាប់បុណ្យនេះ យ៉ាងធំដុំបំផុតដែរ ដោយគេឃើញវត្តមានដើម ណូអែលដ៏ធំអស្ចារ្យ បានផុសឡើងនៅទីលាន ភាគខាងកើតនៃវិមាន កាពីតូល។ នៅក្នុងឆ្នាំ ២០១២ នេះដែរ ដើមណូអែលសម្រាប់អបអរសាទរ នោះមានកម្ពស់រហូតទៅដល់ ៦៥ ហ្វូត ស្មើ នឹង ២០ម៉ែត្រ។
គួរបញ្ជាក់ផងដែរ ប្រពៃណី នៃការរៀបចំដើមណូអែល ខ្ពស់ដែលមានឈ្មោះថា កាពីតូល នេះ បានចាប់ផ្តើមឡើងតាំងពីឆ្នាំ ១៩៦៤ មកម្ល៉េះនៅអាមេរិក៕