រាជធានីភ្នំពេញ ៖
នៅសាលសន្និសីទចតុមុខកាលពីថ្ងៃទី១ ធ្នូ ២០១២
បានប្រារព្ធទិវាពិភពលោកប្រយុទ្ធនឹងជំងឺអេដស៍ «១ ធ្នូ ២០១២»
ក្រោមអធិបតីភាពលោកជំទាវ ម៉ែន សំអន
ឧបនាយករដ្ឋមន្ត្រីប្រចាំការ
រដ្ឋមន្ត្រីក្រសួងទំនាក់ទំនងរដ្ឋសភា ព្រឹទ្ធសភា និងអធិការកិច្ច
តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន
នាយករដ្ឋមន្ត្រី និងមានការអញ្ជើញចូលរួមពីលោកយឹម ឆៃលី
ឧបនាយករដ្ឋមន្ត្រី
និងជាប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ
លោកនាយឧត្តមសេនីយ៍ កែ គឹមយាន
ឧបនាយករដ្ឋមន្ត្រីទទួលបន្ទុកការងារប្រយុទ្ធនឹងជំងឺអេដស៍
និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀន
លោកវេជ្ជបណ្ឌិត នុត សុខុម ទេសរដ្ឋមន្ត្រី
និងជាប្រធានអាជ្ញាធរជាតិប្រយុទ្ធនឹងជំងឺអេដស៍ លោកវេជ្ជបណ្ឌិត
ម៉ម ប៊ុនហេង រដ្ឋមន្ត្រីក្រសួងសុខាភិបាល លោកស្រី Marie-Oidile
Emond អ្នកសម្របសម្រួលប្រចាំប្រទេសនៃអង្គការ UNAID
និងជាតំណាងភ្នាក់ងារអង្គការសហប្រជាជាតិ ព្រមទាំងសមាជិក
សមាជិការដ្ឋសភា ព្រឹទ្ធសភា ក្រសួងពាក់ព័ន្ធ
និងសិស្សានុសិស្សជាច្រើនរូបទៀត ។
ក្នុងឱកាសនោះលោកជំទាវ ម៉ែន សំអន
បានមានប្រសាសន៍ថា នៅថ្ងៃទី១ ធ្នូ ២០១២ នេះ
គឺជាការប្រារព្ធទិវាពិភពលោកប្រយុទ្ធប្រឆាំងនឹងជំងឺអេដស៍លើកទី
២៣ នៅលើសាកលលោក និងជាលើកទី២០
សម្រាប់ប្រទេសកម្ពុជាក្នុងការចូលរួមជាមួយពិភពលោកក្នុងការ
ប្រារព្ធទិវានេះដើម្បីបង្ហាញដល់មតិជាតិ
និងអន្តរជាតិពីការប្តេជ្ញាចិត្តដ៏ខ្ពង់ខ្ពស់របស់រាជរដ្ឋាភិបាល
។
លោកជំទាវបានមានប្រសាសន៍បន្តថា
នេះក៏ជាឱកាសដែលក្រុមសកម្មប្រយុទ្ធនឹងជំងឺអេដស៍ទាំងអស់ដែល
មកពីមជ្ឈដ្ឋានទូទាំងប្រទេសទាំងស្ថាប័នរាជរដ្ឋាភិបាល
អង្គការសង្គមស៊ីវិល ស្ថាប័នឯកជន
និងដៃគូអភិវឌ្ឍន៍ជួបជុំគ្នាក្នុងការចែករំលែកនូវព័ត៌មាន
ជំនាញ និងបទពិសោធន៍ថ្មីៗស្តីពី
«ប្រសិទ្ធិភាពនៃការទប់ស្កាត់ការរាលដាលមេរោគអេដស៍
និងការថែទាំព្យាបាល និងគាំទ្រដល់អ្នកផ្ទុកមេរោគអេដស៍
និងអ្នកកើតជំងឺអេដស៍ផងដែរ» ។(KOH)
