លោកស្រីយីងឡាក់ ស្តាប់ការបកប្រែ ក្នុងអំឡុងពេលជំនួបកំពូលអាស៊ាននៅក្រុងភ្នំពេញ កាលពីថ្ងៃទី២០ វិច្ឆិកា។ Reuters
ក្រុងបាងកកៈ រដ្ឋាភិបាលថៃ បានរួចផុតពីការបោះឆ្នោតសម្តែងការមិនទុកចិត្តមួយ ប៉ុន្មានថ្ងៃបន្ទាប់ពីការប៉ះទង្គិចគ្នាក្នុងរាជធានីនេះ រវាងក្រុមអ្នកតវ៉ា និងក្រុមប៉ូលិសប្រឆាំងកុបកម្មនៅក្នុងការធ្វើបាតុកម្មធំបំផុតមួយ ប្រឆាំងនឹងរដ្ឋការអាយុ១៦ខែ របស់នាយករដ្ឋមន្ត្រី យីងឡាក់ ស៊ីណាវ៉ាត្រា។
ប៉ុន្តែអតីតនាយករដ្ឋមន្ត្រីដែលគេបណ្តេញចេញពី អំណាច ត្រូវជាបងប្រុស លោកថាក់ស៊ីន ស៊ីណា វ៉ាត្រា បានសម្តែងការមិនពេញចិត្ត នឹងប្រធានសភា និងអនុប្រធានសភាសម្រាប់ការបង្ហាញសមត្ថភាពនៅក្នុងការដេញដោល សម្តែងការមិនទុកចិត្តនោះ ថ្វីបើលោក ស្រីយីងឡាក់ និងគណៈរដ្ឋមន្ត្រីថៃ បានគេចផុតពីការបោះឆ្នោតនោះដោយងាយស្រួលក្តី។
ក្រុមតំណាងរាស្ត្របក្សភឿថៃ ជាច្រើន ក៏បានយល់ ស្របជាមួយការរិះគន់លោកថាក់ស៊ីននៅតាមប្រព័ន្ធទូរស័ព្ទផ្កាយរណប Skype នោះផងដែរ។
ក្រុមអ្នកធ្វើច្បាប់ថៃ បានបោះឆ្នោតក្នុងសំឡេង៣០៨-១៥៩ពីថ្ងៃពុធ ដើម្បីឲ្យលោកស្រីយីងឡាក់នៅបន្តកាន់អំណាច បន្ទាប់ពីក្រុមប្រឆាំងបានចោទប្រកាន់លោកស្រីពីបទបរាជ័យមិន បង្ក្រាបលើអំពើពុករលួយ។ ឧបនាយករដ្ឋមន្ត្រីមួយរូប និងរដ្ឋមន្ត្រីពីររូបទៀត ក៏បានរួចផុតពីការបោះឆ្នោតសម្តែងការមិនទុកចិត្តនោះដែរ។
បន្ទាប់ ពីការបោះឆ្នោតដែលធ្វើឡើងក្រោយពីការដេញដោលគ្នា៣ថ្ងៃ ប្រធានសភា លោកស៊ុមសាក់គាតស៊ូរ៉ាណុន បានប្រកាសថា៖ «សភាបានបោះឆ្នោតផ្តល់ឲ្យនាយករដ្ឋមន្ត្រីយីងឡាក់បន្តធ្វើការទៀត »។
ក្នុងអំឡុងពេលពិភាក្សាដេញ ដោលនោះ ក្រុមប្រឆាំងបានផ្តោត លើការអន្តរាគមន៍អង្ករ ដែលថា គាំងដោយសារអំពើពុករលួយ។
គណបក្ស ប្រជាធិបតេយ្យជាបក្សប្រឆាំងបានស្តីបន្ទោសលោកស្រីយីងឡាក់ពីបទ ដាក់ប្រទេសថៃឲ្យប្រឈមនឹងគ្រោះថ្នាក់នៃការបាត់បង់កន្លែងខ្លួន ជារដ្ឋនាំចេញអង្គរកំពូលរបស់ពិភពលោកនៅក្នុងកម្មវិធីដែល រដ្ឋាភិបាលផ្តល់ឲ្យកសិករនូវតម្លៃខ្ពស់ជាងតម្លៃទីផ្សារ។ លោកស្រីយីងឡាក់ បានប្រាប់សមាជិកសភាថា កម្មវិធីនេះបានផ្តល់ផលប្រយោជន៍ដោយផ្ទាល់ដល់កសិករថៃ និងបានជួយបង្កើនអង្ករថៃផងដែរ។
លោកស្រីយីងឡាក់ បានថ្លែងថា៖ «យើងជួបការខាតបង់ដោយព្យយាមជួយដល់កសិករក្រីក្រថៃប៉ុន្តែគម្រោងនេះមានតម្លាភាព»។
ក្រុម ប្រឆាំងបានចោទប្រកាន់រដ្ឋាភិបាលពីបទអនុញ្ញាត្តឲ្យក្រុមហ៊ុនឯក ជនពាក់ព័ន្ធនឹងកម្មវិធីនេះដើម្បីបានប្រយោជន៍ពីគោលនយោបាយនេះ។
មេ ដឹកនាំប្រឆាំងនិងជាអតីតនាយករដ្ឋមន្ត្រី លោកអាភីស៊ីត វ៉េចាជីវ៉ា បាននិយាយថា៖«គម្រោងនេះអនុញ្ញាតឲ្យរដ្ឋាភិបាលគ្រប់គ្រងការលក់ អង្ករផ្តាច់មុខ។អំពើពុករលួយគឺគ្រាន់តែជាផលប៉ះពាល់បន្ទាប់បន្សំ នៃគម្រោងដែលមានកំហុស»។
លោកស្រីយីងឡាក់ និងរដ្ឋមន្ត្រី ជាច្រើនទៀតក៏ត្រូវបានគេចោទប្រកាន់ពីភាពមិនប្រក្រតីនៅក្នុង គម្រោងថវិកាគ្រប់គ្រងទឹកជំនន់គម្រោងជីកព្រែក និងការជាវប្រព័ន្ធប្រយុទ្ធសម្រាប់នាវាកងទ័ពជើងទឹកពីរគ្រឿងផង ដែរ។
ក្រុមប្រឆាំងនៅតែគំរាមកំហែងដាក់ពាក្យបណ្តឹងទៅកាន់ គណកម្មាធិការប្រឆាំងពុករលួយជាតិជុំវិញគោលនយោបាយអង្ករ ប៉ុន្តែបន្ទាប់ពីលែងមានការតវ៉ានិងបរាជ័យក្នុងការចោទប្រកាន់ រដ្ឋាភិបាលគេក៏បានរលាស់ខ្លួន៕ IN(CEN)
