ស្ថានទូត
សហរដ្ឋអាមេរិក
និងសាកលវិទ្យាល័យអាស៊ីអាគ្នេយ៍បានសហការគ្នាជាដៃគូរក្នុងការ
បង្កើតបណ្ណាល័យមួយ ស្ថិតនៅក្នុងភូមិវត្តបូ ឃុំសាលាកំរើក
ក្រុងសៀមរាបឡើង
ដើម្បីធ្វើជាមជ្ឈមណ្ឌលធនធានព័ត៌មានដើម្បីអប់រំប្រជាជនកម្ពុជាពី
សង្គម វប្បធម៌ ឧត្តមគតិ និងគុណតំលៃរបស់អាមេរិក
ព្រមទាំងកសាងស្ពាននៃការពិភាក្សា និងការយល់គ្នាទៅវិញទៅមក។
យោងតាម
សេចក្តីប្រកាសព័ត៌មានរបស់ស្ថានទូតអាមេរិកបានឲ្យដឹងថា
បណ្ណាល័យនេះនឹងត្រូវដាក់សម្ពោធនៅព្រឹកថ្ងៃទី៥ ខែធ្នូ
ថ្ងៃស្អែកនេះដោយមានការចូលរួមដោយ លោក William E. Todd
ឯកអគ្គរដ្ឋទូតសហរដ្ឋអាមេរិកប្រចាំកម្ពុជា រួមទាំងលោក ម៉ៅ វុទ្ធី
អភិបាលរងខេត្តសៀមរាប និង លោកសៀន សុវណ្ណា
នាយកសាកលវិទ្យាល័យអាស៊ីអាគ្នេយ៍។
បណ្ណាល័យ
របស់ស្ថានទូតសហរដ្ឋអាមេរិកនៅសាកលវិទ្យាល័យអាស៊ីអាគ្នេយ៍
គឺជាបណ្ណាល័យទី៤ របស់ស្ថានទូតសហរដ្ឋអាមេរិកនៅប្រទេសកម្ពុជា។
បណ្ណាល័យ ៣ ទៀតស្ថិតនៅសាកល
វិទ្យាល័យបញ្ញាសាស្រ្តកម្ពុជានៅភ្នំពេញ
សាកលវិទ្យាល័យគ្រប់គ្រងនិងសេដ្ឋកិច្ចនៅខេត្តកំពង់ចាម
និងសាកលវិទ្យាល័យគ្រប់គ្រងនិងសេដ្ឋកិច្ចនៅក្នុងខេត្តបាត់ដំបង។
សូមបញ្ជាក់
ថាបណ្ណាល័យនេះថែមទាំងផ្តល់ជាកន្លែងសំរាប់រៀបចំកម្មវិធីនានាជា
សាធារណៈផងដែរ ដូចជាការបញ្ចាំងវីដេអូ
និងវេទិកាពិភាក្សាគ្នាជាដើម។(POSTKHMER)
