រាជធានីភ្នំពេញ ៖
បុរសម្នាក់ត្រូវសមត្ថកិច្ចនគរបាលប៉ុស្ដិ៍ទួលស្វាយព្រៃទី១
ចាប់ខ្លួនបានភ្លាមៗ
ខណៈពេលដែលជននេះយកកាំភ្លើងជ័រទៅភ្ជង់ប្លន់អ្នក
ដូរប្រាក់នៅមុខផ្ទះលេខ១២ ផ្លូវលេខ២៩៨
សង្កាត់ទួលស្វាយព្រៃទី១ ខណ្ឌចំការមន កាលពីវេលាម៉ោង១០
ព្រឹកថ្ងៃទី២ ធ្នូ
ប៉ុន្តែអំពើប្លន់នេះមិនសម្រេចដោយសារម្ចាស់ផ្ទះដឹងថាជា
កាំភ្លើងជ័រស្រែកឆោឡោផ្អើលដល់សមត្ថកិច្ចព័ទ្ធចាប់ឃាត់ខ្លួន
បានភ្លាមៗយ៉ាងទាន់ហន់បំផុត ។
បុរសខាងលើនេះឈ្មោះខេម រ៉ានង អាយុ៤១ឆ្នាំ
ស្នាក់នៅសង្កាត់ចោមចៅ ខណ្ឌពោធិ៍សែនជ័យ
អតីតអាណិកជនខ្មែរត្រូវបានអាមេរិកនិរទេសមកកាន់ស្រុកវិញ ។
ចំណែកឯម្ចាស់ផ្ទះដែលត្រូវឈ្មោះខេម រ៉ានង
យកកាំភ្លើងជ័រចូលប្លន់នោះឈ្មោះឡោ លីឆេង ភេទស្រី
អាយុ២៣ឆ្នាំ ជាម្ចាស់ផ្ទះកើតហេតុខាងលើ
និងមានមុខរបរប្ដូរប្រាក់ និងវេរលុយ ។
តាមប្រភពព័ត៌មានទាក់ទិននឹងសកម្មភាពខាងលើ
នេះឱ្យដឹងថា មុនពេលកើតហេតុឈ្មោះខេម រ៉ានង
បានចូលទៅផ្ទះប្ដូរប្រាក់របស់ឈ្មោះឡោ លីឆេង
ហើយបានហៅម្ចាស់ផ្ទះឱ្យចេញមកក្រៅ ។
ពេលនោះម្ដាយរបស់ស្ត្រីម្ចាស់ផ្ទះបានចេញមកក្រៅសួរនាំឈ្មោះខេម
រ៉ានង តើលោកមានការអី ។
គ្រាន់តែនិយាយគ្នាបានពីរបីម៉ាត់ប៉ុណ្ណោះស្រាប់តែឈ្មោះខេម
រ៉ានង
បានដកកាំភ្លើងជ័រពីខ្លួនភ្ជង់ស្ត្រីចំណាស់ជាម្ដាយ
បំណងប្លន់យកលុយតែខណៈនោះស្ត្រីចំណាស់មិនសូវជាញញើតក៏ស្ទុះ
រត់ចេញពីមុខកាណុងកាំភ្លើងរបស់ឈ្មោះខេម រ៉ានង
ហើយពេលនេះត្រូវឈ្មោះខេម រ៉ានង
វាយក្បាលគាត់នឹងកាំភ្លើងខ្លីបណ្ដាលឱ្យបែកកាំភ្លើងធ្លាក់
ដីរាយប៉ាយទើបអ្នកជិតខាងឃើញថា
ជាកាំភ្លើងជ័រក៏នាំគ្នាព្រួតជួយចាប់ខ្លួនប្រគល់ឱ្យ
សមត្ថកិច្ចចាត់ការតាមច្បាប់ ។
សូមបញ្ជាក់ថា
មុនពេលចាប់ខ្លួនបានគឺឈ្មោះនេះបានរត់គេចពីហ្វូងប្រជា
ពលរដ្ឋ
និងអាជីវករដោយរត់ឡើងទៅចូលក្នុងផ្ទះលេខ១៧E3
ជាន់ទី៣រួចចាក់សោពីក្នុងបង្កឱ្យមានការភ័យស្លន់ស្លោរ
ដល់ម្ចាស់ផ្ទះខាងលើ ។
ប៉ុន្តែពេលនោះសមត្ថកិច្ចមូលដ្ឋានបានប្រើយុទ្ធសាស្ត្រលួងលោម
ឈ្មោះខេម រ៉ានង
ឱ្យបើកទ្វារឱ្យដោយសមត្ថកិច្ចជាអ្នកធានាមិនឱ្យមានបញ្ហា
ចាប់ខ្លួនឡើយ ។ ដោយចាញ់ល្បិចកលរបស់សមត្ថកិច្ចឈ្មោះខេម
រ៉ានងក៏បើកសោទ្វារឱ្យសមត្ថកិច្ចនាំខ្លួនចុះមកតាមសម្រួល
ធ្វើឱ្យម្ចាស់ផ្ទះជាន់លើរួចផុតពីការភិតភ័យ ។
នៅចំពោះមុខសមត្ថកិច្ចឈ្មោះខេម រ៉ានង
បាននិយាយថា
មូលហេតុដែលខ្លួនដាច់ចិត្តយកកាំភ្លើងជ័រភ្ជង់ប្លន់លើអ្នក
ប្ដូរប្រាក់ខាងលើនេះគឺដោយសារខ្លួនចាញ់ល្បែងនៅកាស៊ីណូ
អស់ប្រាក់រលីង ។
ទង្វើរបស់អតីតអាណិកជនខ្មែររូបនេះសមត្ថកិច្ចកំពុងកសាងសំណុំរឿង
ដើម្បីចាត់ការតាមច្បាប់ ៕(KOH)
