ខេត្តព្រះវិហារ:
ប្រជាជនកម្ពុជាចំនួន២នាក់ត្រូវបានគេរាយការណ៏ថា
បានស្លាប់នៅក្នុងទឹកដីថៃជម្រៅប្រមាណ ៥ទៅ៧គីឡូម៉ែត្រ ដែលអ្នក
ស្លាប់ ទាំងពីរ មានម្នាក់បានពាក់ឯកសណ្ឋានយោធា
និងម្នាក់ឯកសណ្ឋានស៊ីវិល ក្នុងការប្រយុទ្ធគ្នាដោយអាវុធ រវាង កម្ពុជា
និងទាហាន ឈុតខ្មៅថៃ។
ជាមួយគ្នានោះគេរាយការណ៍ទៀតថា
ក៏មានអ្នករបួសមួយចំនួនកំពុងបាត់ខ្លួន និងមេខ្លោង
នាំមនុស្សឆ្លងដែនទៅកាប់ឈើគ្រញូងម្នាក់ ត្រូវបានអាជ្ញាធរកម្ពុជា
ចាប់ខ្លួនដើម្បីអនុវត្ដទៅតាមផ្លូវច្បាប់ថែមទៀតផង។
ហេតុការណ៍បាញ់ប្រយុទ្ធគ្នាបណ្ដាលឱ្យកម្ពុជា២រូបបានស្លាប់នោះ
គឺស្ថិតក្នុងទឹកដីប្រទេសថៃប្រមាណ៥ទៅ៧គីឡូ ម៉ែត្រ
ស្រុកខាន់តាឡាក់ ខេត្ដស៊ីសាកេត ឈមគ្នានិងទឹកដីកម្ពុជា
ត្រង់ចំណុចអូរម្ទេស ដែលស្ថិតនៅខាងលិចចំណុចច្រកជាំ តែបុស្សស្បូវ
ក្នុងឃុំស្រអែម ស្រុកជាំក្សាន្ដ ខេត្ដព្រះវិហារ វេលាម៉ោង១១យប់
ថ្ងៃទី៣០ ខែវិច្ឆិកា ឆ្នាំ២០១២។
អាជ្ញាធរកម្ពុជាបាន
បញ្ជាក់ថា ការស្លាប់របស់ជនកម្ពុជាទាំងពីររូប
ត្រូវបានទាហានថៃប្រាប់មកកម្ពុជាវិញថា មាន ជនកម្ពុជា ចំនួន២រូប
បានស្លាប់ នៅក្នុងទឹកដីរបស់ខ្លួន ដោយម្នាក់មានពាក់ឯកសណ្ឋានជាយោធា
និងម្នាក់ទៀតពាក់ឯក សណ្ឋានស៊ីវិល។ ថៃក៏បានរាយការណ៍ ប្រាប់
កម្ពុជាផងដែរថា មានជនកម្ពុជាមួយចំនួនអាចនឹងមានរងរបួស ព្រោះឃើញ
ស្នាមឈាម។
អាជ្ញាធរកម្ពុជាមិនទាន់ដឹងថា
កម្ពុជាដែលស្លាប់ទាំងពីររូបនោះមានឈ្មោះអ្វីពិតប្រាកដនោះទេ
ហើយក៏មិនដឹងជា មានទីលំនៅ ពិតប្រាកដ រស់នៅ ទីណាដែរ។
ប៉ុន្ដែសពដែលស្លៀកពាក់ឯកសណ្ឋានយោធា គេសង្ស័យថា ជាទាហានតំបន់ប្រតិ
បត្ដិការសឹករងខេត្ដព្រះវិហារ ដែលប្រចាំការនៅតំបន់ច្រកកើតហេតុ។
ក្រុមមន្ដ្រីបាននិយាយថា នៅយប់កើតហេតុគេឃើញជនកម្ពុជាមួយក្រុម
រួមជាមួយយោធាដោយក្នុងដៃមានកាន់ អាវុធអាកា ជាច្រើនដើម ផង
បានឆ្លងចូលទឹកដីថៃ នៅចំណុចខាងលើ
ហើយក៏ជួបនឹងទាហានឈុតខ្មៅថៃមួយក្រុម រួចក៏
បានប្រយុទ្ធគ្នាដោយបាញ់ត តបទៅវិញទៅមក ប្រមាណជា១០នាទី
រួចហើយក៏សភាពការណ៍ស្ងប់ស្ងាត់។
លុះព្រឹកថ្ងៃទី១ ខែធ្នូ
ឆ្នាំ២០១២នេះ ភាគីថៃបានជូនដំណឹងមកកម្ពុជាហើយប្រាប់ថា
ខាងថៃបានឃើញសពជន កម្ពុជាចំនួន២នាក់ នៅកន្លែង កើតហេតុ
ដោយម្នាក់ជាជនស៊ីវិល និងម្នាក់ជាទាហាន។
ហើយថៃក៏មិនបានស្គាល់ឈ្មោះអ្នក ស្លាប់នោះទេ
ហើយកម្ពុជាក៏មិនបានដឹងថា ជនទាំងពីរនាក់មានឈ្មោះអ្វីនោះដែរ។
សពទាំងពីរមិនត្រូវបានទាហានថៃបញ្ជូន មកឱ្យកម្ពុជាវិញភ្លាមៗនោះទេ។
គេអាចនិយាយថាថៃទុកសព
យ៉ាងតិចក៏មួយសប្ដាហ៍មុននិងបញ្ជូនមកកម្ពុជា។ ជាមួយគ្នា នោះថៃ
ក៏បានរាយការណ៏មកកម្ពុជាដែរថា អាចនឹងមានរបួសមួយចំនួនទៀត
ព្រោះខាងថៃបានឃើញដានឈាមនៅកន្លែង កើតហេតុ។
នៅថ្ងៃត្រង់
ថ្ងៃទី១ ខែធ្នូ ឆ្នាំ២០១២ នេះដែរ សមត្ថកិច្ចកម្ពុជាបានសហការគ្នា
ហើយឡើងទៅដល់ចំណុចអូរម្ទេស ខាងលិចច្រក ជាំតែបុស្សស្បូវ
ប៉ុន្ដែនៅពេលសមត្ថកិច្ចមិនទាន់ឡើងដល់ផង ក៏មានជនកម្ពុជាចំនួន៣នាក់
ត្រូវបានអាជ្ញាធរកម្ពុជាឃាត់ខ្លួន ដែលក្នុងនោះ១ ជាមេខ្លោង នាំពលករ
ឆ្លងដែន ចូលទៅកាប់ឈើគ្រញូង និង២នាក់ទៀតជាកម្មករធម្មតា។
សមត្ថកិច្ចបានរាយការណ៍ឲ្យដឹងផងដែរថា
មេខ្លោងដែលគេមិនទាន់បានផ្ដល់ឈ្មោះ ត្រូវបានអាជ្ញាធរកម្ពុជាបញ្ជូន
មកអធិការស្រុកជាំក្សាន្ដ
ដើម្បីកសាងសំណុំរឿងទៅកាន់ស្នងការខេត្ដព្រះវិហារ
និងចងក្រងសំណុំរឿងបញ្ជូនទៅតុលាការ ចោទប្រកាន់ទៅតាមផ្លូវច្បាប់។
ដោយឡែកកម្មករ២នាក់សមត្ថកិច្ចនិយាយថា
នឹងធ្វើការអប់រំហើយឱ្យត្រឡប់ទៅផ្ទះវិញ។
បើតាមចំលើយសារភាព
ពីមេខ្លោង ដែលសមត្ថកិច្ចដកស្រង់សំដីមកនិយាយថា
រូបគេបានរស់នៅស្រុកត្រញំងប្រាសាទ ហើយបាននាំ កម្មករ មួយក្រុម
មានគ្នាចំនួន៦នាក់ ពីស្រុកត្រញំងប្រាសាទ ទៅឱ្យឈ្មោះ ម៉ែន លី
ដែលជាទាហានមាន ឋានៈជាសេនាធិការ នៅតំបន់ប្រតិបត្ដិការ សឹករង
ខេត្ដព្រះវិហារ ប្រចាំការណ៏នៅក្នុងទឹកដីកម្ពុជាក្បែរកន្លែងកើតហេតុ។
ហើយជនកម្ពុជាទាំង៦រូបនោះ ត្រូវបានឈ្មោះ ម៉ែន លី
ជាអ្នកបញ្ជូនតឱ្យចូលទៅក្នុងទឹកដីថៃ ដើម្បីកាប់ឈើគ្រញូងបន្ដ ទៀត
ហើយក៏ជួបឧបទ្ទវហេតុ ក៏មានការបាញ់ ប្រយុទ្ធជាមួយ ថៃ
បណ្ដាលឱ្យប្រជាជនកម្ពុជាចំនួន២រូប និងម្នាក់ពាក់ឯក
សណ្ឋានយោធាស្លាប់នៅកន្លែងកើតហេតុយ៉ាងដូច្នេះ។
ក្រោយពី
ស្លាប់ជនស៊ីវិលម្នាក់ និងម្នាក់ពាក់ឯកសណ្ឋានយោធា
កើតឡើងគឺនៅព្រឹកថ្ងៃទី១ ខែធ្នូ ឆ្នាំ២០១២ នោះដែរ ភាពជ្រួលច្របល់
បានកើតមាន យ៉ាងខ្លាំងក្លានៅតំបន់នោះ
ហើយព័ត៌មានត្រូវបានគេលាក់មិនឱ្យធ្លាយមកខាងក្រៅឡើយ ព្រោះ
ខ្លាចឮដល់ថ្នាក់លើ ជាពិសេសខ្លាចពត៌មាននោះដឹងដល់សម្ដេចតេជោ ហ៊ុន
សែន នាយករដ្ឋមន្ដ្រីនៃព្រះរាជាណាចក្រកម្ពុជា ថែមទៀតផង។
នេះ
មិនមែនជារឿងថ្មីនោះទេ
គឺបានកើតឡើងជាបន្ដបន្ទាប់ហើយជាច្រើនឆ្នាំមកហើយ ដែលឮតែថាកម្ពុជា
ស្លាប់រាប់រយនាក់ និងរបួស ក៏រាប់រយនាក់
ព្រមទាំងជនកម្ពុជាជាច្រើននាក់ទៀតត្រូវបានចាប់ខ្លួន
និងមានអ្នកខ្លះកំពុងជាប់ ពន្ធនាគារនៅប្រទេសថៃទៀតផង៕
