ខេត្តព្រះសីហនុ ៖
មនុស្ស៤នាក់បានស្លាប់ភ្លាមនៅនឹងកន្លែងដោយសារ
គ្រោះថ្នាក់ចរាចរណ៍ដ៏រន្ធត់ពីរករណីផ្សេងគ្នារវាង
រថយន្តនិងម៉ូតូបុកគ្នា កាលពីល្ងាចថ្ងៃទី២៩
វិច្ឆិកា គឺចន្លោះពេលតែជាង១០នាទីប៉ុណ្ណោះ
ដែលករណីទី១បានកើតឡើងនៅម៉ោង៦ល្ងាចនៅតាម
បណ្តាយផ្លូវជាតិលេខ៤ត្រង់ចន្លោះគីឡូម៉ែត្រលេខ
១៨៣-១៨៤ ស្ថិតក្នុងភូមិសំរ៉ុងលើ ឃុំសំរ៉ុង
ស្រុកព្រៃនប់ ។
សមត្ថកិច្ចចម្រុះមានប៉ូលិសនិងកងរាជ
អាវុធហត្ថស្រុកព្រៃនប់ បានឱ្យដឹងថា
ករណីទីមួយបានកើតឡើងរវាងរថយន្តមួយគ្រឿងម៉ាកតាកូម៉ា
ពណ៌ស
ធ្វើដំណើរក្នុងទិសដៅពីខេត្តព្រះសីហនុទៅភ្នំពេញ
បើកបរដោយឈ្មោះសាត ផានិត ភេទប្រុស អាយុ២១ឆ្នាំ
មានទីលំនៅភូមិតាំងក្រោះ ឃុំក្រាំងល្វា
ស្រុកសាមគ្គីមានជ័យខេត្តកំពង់ឆ្នាំង
បានបុកម៉ូតូម៉ាកស្មាសវី ពណ៌ខ្មៅមួយគ្រឿង
ជិះគ្នាបីនាក់ក្នុងទិសដៅបញ្ច្រាសគ្នា
បណ្តាលឱ្យអ្នកជិះម៉ូតូស្លាប់ទាំង៣នាក់នៅកន្លែងកើតហេតុ
។ ម៉ូតូស្មាសវី ពណ៌ខ្មៅ បើកបរដោយឈ្មោះពេជ្រ
សីុថៃ ភេទប្រុស២០ឆ្នាំ
ជាសិស្សរៀននៅវិទ្យាល័យហ៊ុនសែនវាលរេញ
ជិះឌុបគ្នាពីរនាក់ទៀត ១-ឈ្មោះអ៊ុន សុវណ្ណ
ភេទប្រុស អាយុ២០ឆ្នាំ ជាកសិករ និងឈ្មោះយ៉ុង ត្រុង
ភេទប្រុស អាយុ១៦ឆ្នាំ
អ្នកទាំងបីមានទីលំនៅភូមិព្រៃនប់២ ឃុំព្រៃនប់
ស្រុកព្រៃនប់ ខេត្តព្រះសីហនុ ។
ប្រភពបន្តទៀតថា
មុនពេលកើតហេតុគេឃើញរថយន្តខាងលើធ្វើដំណើរមកពី
ខេត្តព្រះសីហនុក្នុងល្បឿនលឿន
លុះមកដល់ដល់ចំណុចកើតហេតុអ្នកបើកបររថយន្តនេះបាន
បើកវ៉ារថយន្តមួយគ្រឿងដែលកំពុងបើកស្របទិសគ្នា
ខាងមុខ
តែវ៉ាមិនទាន់ផុតផងស្រាប់តែវាក់នឹងម៉ូតូជនរងគ្រោះ
ក៏ត្រូវរថយន្តបុកពេញទំហឹងលាន់ដូចរន្ទះធ្វើឱ្យ
ធ្វើឱ្យអ្នកជិះម៉ូតូទាំងបីនាក់នោះស្លាប់ភ្លាមៗនៅ
នឹងកន្លែងតែម្តង ។
អ្នកបើកបររថយន្តវិញពេលជួបហេតុការណ៍ដូច្នេះបានរត់គេច
ខ្លួនទៅពួនទៅផ្ទះប្រជាពលរដ្ឋក្បែរនោះ
តែបានមួយសន្ទុះក៏ត្រូវសមត្ថកិច្ចចម្រុះនាំខ្លួនគេ
ពិនិត្យទៅកាន់អធិការដ្ឋាននគរបាលស្រុកព្រៃនប់ ។
ពេលឃាត់ខ្លួនឃើញអ្នកបើកបរមានសភាពស្រវឹង។
ដោយឡែក ករណីទី២ចន្លោះពេលតែ១៣នាទី និងមានចម្ងាយពីគ្នាត្រឹមតែមួយគីឡូម៉ែត្រប៉ុណ្ណោះ មានគ្រោះថ្នាក់ចរាចរណ៍ដ៏រន្ធត់មួយទៀតបានកើតឡើង គឺត្រង់ចំណុចគីឡូម៉ែត្រលេខ១៨១-១៨២ រវាងរថយន្តមួយគ្រឿងម៉ាកកាម៉ារីឆ្លាមពណ៌ស្ករ បើកក្នុងទិសដៅពីភ្នំពេញទៅខេត្តព្រះសីហនុ បុកជាមួយម៉ូតូមួយគ្រឿងម៉ាកយ៉ាម៉ាហា ក្នុងទិសដៅបញ្ច្រាសគ្នា បើកបរដោយឈ្មោះនាក់ វុទ្ធី ភេទប្រុស អាយុ១៩ឆ្នាំ មានទីលំនៅភូមិវាលធំ ឃុំវាលរេញ ស្រុកព្រៃនប់ បណ្តាលឱ្យអ្នកបើកម៉ូតូស្លាប់នៅនឹងកន្លែងកើតហេតុ ។
ដោយឡែក ករណីទី២ចន្លោះពេលតែ១៣នាទី និងមានចម្ងាយពីគ្នាត្រឹមតែមួយគីឡូម៉ែត្រប៉ុណ្ណោះ មានគ្រោះថ្នាក់ចរាចរណ៍ដ៏រន្ធត់មួយទៀតបានកើតឡើង គឺត្រង់ចំណុចគីឡូម៉ែត្រលេខ១៨១-១៨២ រវាងរថយន្តមួយគ្រឿងម៉ាកកាម៉ារីឆ្លាមពណ៌ស្ករ បើកក្នុងទិសដៅពីភ្នំពេញទៅខេត្តព្រះសីហនុ បុកជាមួយម៉ូតូមួយគ្រឿងម៉ាកយ៉ាម៉ាហា ក្នុងទិសដៅបញ្ច្រាសគ្នា បើកបរដោយឈ្មោះនាក់ វុទ្ធី ភេទប្រុស អាយុ១៩ឆ្នាំ មានទីលំនៅភូមិវាលធំ ឃុំវាលរេញ ស្រុកព្រៃនប់ បណ្តាលឱ្យអ្នកបើកម៉ូតូស្លាប់នៅនឹងកន្លែងកើតហេតុ ។
ចំពោះករណីទី២នេះ
សមត្ថកិច្ចបានឱ្យដឹងថា
មុនពេលកើតហេតុគេឃើញបុរសម្នាក់បើកម៉ូតូក្នុងល្បឿនលឿន
លុះមកដល់ចំណុចកើតហេតុក៏បានបុកជាមួយរថយន្តដែលកំពុង
សបើកបរបញ្ច្រាសគ្នាលាន់ដូចរន្ទះ
បណ្តាលឱ្យអ្នកបើកម៉ូតូស្លាប់ភ្លាមមួយរំពេច
ចំណែកឯរថយន្តឈប់ស្ងៀមនៅកណ្តាលទ្រូងផ្លូវ
ហើយអ្នកបើកបររថយន្តបានគេចខ្លួនបាត់ ។
ករណីនេះពុំទាន់មានការសន្និដ្ឋាន
យ៉ាងណាពីមូលហេតុនៃការបុកគ្នានេះនៅឡើយទេ
ព្រោះអ្នកបើកម៉ូតូស្លាប់ ឯអ្នកបើកបររថយន្តរត់បាត់៕(KOH)
