យ៉ាងណាក៏ដោយ ជនសង្ស័យ ទាំងពីរនាក់ ដែលជាក្រុម ចោរប្លន់ មិនទាន់ត្រូវបាន ចាប់ខ្លួននោះទេ ពីព្រោះក្រោយ កើតហេតុ ពួកគេបានជិះម៉ូតូ គេចខ្លួនបាត់ ដោយសុវត្ថិភាព ប៉ុន្តែកម្លាំង សមត្ថកិច្ច រាជធានីភ្នំពេញទាំង នគរបាល និងអាវុធហត្ថ បាននិងកំពុង ធ្វើការស្រាវជ្រាវ តាមស្វែង រកចាប់ខ្លួន។
សេចក្តីរាយការណ៍ ពីកន្លែង កើតហេតុ បានឲ្យដឹងថា ខណៈជនរងគ្រោះ មានឈ្មោះ ហ៊ូ ជិនចាំង ភេទប្រុស អាយុ២៧ឆ្នាំ មានមុខរបរ ជាអ្នកបកប្រែ ភាសាចិន និងអ្នកបើករថយន្ត បានបើក រថយន្ត ដឹកថៅកែរបស់ខ្លួន មានឈ្មោះ ឈិន ជីនពីង ភេទប្រុស អាយុជាង៤០ឆ្នាំ មកដល់ផ្ទះ នៅវេលាម៉ោង កើតហេតុ ខាងលើនេះ ហើយពេលមក ដល់មុខផ្ទះស្រាប់តែមាន ជនសង្ស័យពីរនាក់ ដកកាំភ្លើងបាញ់ មួយគ្រាប់ប្លន់យកលុយ ពីថៅកែ ជិត២ម៉ឺនដុល្លារ ហើយគេចខ្លួន ដោយសុវត្ថិភាព។
ដោយឡែក នៅក្នុងហេតុការណ៍ ប្លន់នេះ ថៅកែជនជាតិចិន មិនមានរង របួសនោះទេ។ ទាក់ទិននឹងករណីប្លន់ ខាងលើនេះ អធិការនគរបាល ខណ្ឌទួលគោក លោក ហ៊ួត ចាន់យ៉ារ៉ាន់ បានថ្លែងឲ្យដឹងថា សាក្សីនៅ កន្លែងកើតហេតុ បានប្រាប់សមត្ថកិច្ច របស់លោកថា ជនសង្ស័យចំនួន២នាក់ ជិះម៉ូតូ ម៉ាកសេ១២៥ ស៊េរី២០០៩ មិនចាំស្លាក លេខ ហើយបានគេចខ្លួនក្រោយ ពីបានបាញ់ជនរងគ្រោះ ចំនួន១គ្រាប់ ។
លោកបានបន្តថា លុយសរុបទាំងអស់ របស់ជនរងគ្រោះដែល ត្រូវក្រុមចោរប្លន់យកទៅ នោះមានចំនួន ១៨០០០ដុល្លារ។ អធិការ នគរបាលរូបនេះ បានបន្តថា ករណីប្លន់នេះ បានកើតហេតុ ខណៈជនរងគ្រោះ និងថៅកែរបស់ ខ្លួនជនជាតិចិន បានបើករថយន្ត ម៉ាកលុច្សស៊ីស RX-300 ពណ៌ខ្មៅពាក់ ស្លាកលេខ ភ្នំពេញ2I-3658 មកដល់មុខផ្ទះ ក៏ជនសង្ស័យ ទាំងពីរនាក់ បានធ្វើសកម្មភាព បាញ់ចំនួន១គ្រាប់តែម្តង បណ្តាលឲ្យស្លាប់ ភ្លាមៗ។
ក្រោយកើតហេតុ ថៅកែដែលជាជន ជាតិចិន ត្រូវបានសមត្ថកិច្ច នាំយកទៅសួរនាំបន្ត ដើម្បីកំណត់ អត្តសញ្ញាណ ជនសង្ស័យទាំងពីរនាក់ ៕(DAP)
ថៅកែជនជាតិចិនកំពុងបំភ្លឺ ប្រាប់សមត្ថកិច្ច ពីករណីប្លន់នេះ
