រាជធានីភ្នំពេញ ៖
តារាចម្រៀងស្រីក្រមិចក្រមើមនាង ខាត់ សុឃីម
បានចូលរោងការជាមួយបុរសវ័យក្មេងជាងខ្លួនជិត១០
ឆ្នាំ គឺលោក អ៊ិន សុបញ្ញា ហៅអិុន សុផាណូ នៅថ្ងៃទី១២
ធ្នូ ឆ្នាំ២០១២ តាមអ្វីដែលនាងគ្រោងទុកនោះហើយ
។ប្រកបដោយទឹកមុខស្រស់ថ្លា និងរីករាយ អ្នកនាងខាត់
សុឃីម ប្រាប់កោះសន្តិភាពថា អស់រយៈពេលមិនតិចឆ្នាំទេ
ដែលនាងរង់ចាំថ្ងៃនេះ ។
ថ្ងៃនេះគឺជាថ្ងៃមហាវិសេសនៅក្នុងជីវិតរបស់នាង ។
នាងសប្បាយចិត្តរហូតដល់យំ
សូម្បីតែល្ងាចថ្ងៃចូលរោងការក៏នាងទប់ទឹកភ្នែកមិន
ជាប់ដែរ ។ នាងយំឱបម្តាយ
ឱបបងប្អូននាងអស់រយៈពេលជាយូរ ។
សូម្បីតែស្វាមីនាងក៏ទប់ទឹកភ្នែកស្ទើរតែមិនបានដែរ ។
អ្នកនាងខាត់ សុឃីម ឱ្យដឹងថា
អ្វីដែលនាងសប្បាយចិត្តលើសពីនេះទៅទៀតនោះ
គឺដោយសារបានលោកជំទាវកិត្តិព្រឹទ្ធបណ្ឌិតប៊ុន រ៉ានី ហ៊ុន
សែន ទូរស័ព្ទជូនពររូបនាង និងស្វាមី
ព្រមទាំងបានណែនាំនាង
និងស្វាមីឱ្យស្រឡាញ់គ្នាអស់មួយជីវិត ។
ក្រៅពីនេះលោកជំទាវម៉ែន សំអន ឧបនាយករដ្ឋមន្ត្រីប្រចាំការ បានអញ្ជើញចូលរួមចងដៃរូបនាង និងស្វាមីដោយផ្ទាល់ និងបានជូនពរដល់រូបនាងផងដែរ ដែលនេះគឺជាកិត្តិយសដ៏ធំធេងសម្រាប់រូបនាង និងស្វាមីមិនអាចបំភ្លេចបានទេ ។
ក្រៅពីនេះលោកជំទាវម៉ែន សំអន ឧបនាយករដ្ឋមន្ត្រីប្រចាំការ បានអញ្ជើញចូលរួមចងដៃរូបនាង និងស្វាមីដោយផ្ទាល់ និងបានជូនពរដល់រូបនាងផងដែរ ដែលនេះគឺជាកិត្តិយសដ៏ធំធេងសម្រាប់រូបនាង និងស្វាមីមិនអាចបំភ្លេចបានទេ ។
តារាចម្រៀង
ក្រមិចក្រមើមរូបនេះឱ្យដឹងថា
ពិធីមង្គលការរបស់នាងបានចំណាយប្រាក់អស់រហូតដល់ទៅ២
ម៉ឺនដុល្លារឯណោះ
ហើយភ្ញៀវដែលនាងអញ្ជើញមានចំនួន៩០តុ
ភាគច្រើនសុទ្ធតែជាអ្នកដែលស្គាល់គ្នា
មិនសូវជាមានអ្នកសិល្បៈទេ ។ជាការពិតណាស់
ជាច្រើនឆ្នាំមកនេះ អ្នកនាងខាត់ សុឃីម
រស់នៅដោយចំណាយមាត់ញាតិ
និងមហាជនទាក់ទិនរឿងលេចឮថា
នាងលួចមានទំនាក់ទំនងស្នេហាក្រៅឆាកជាមួយលោកចា
រិទ្ធី រហូតដល់មានកូនប្រុសម្នាក់ដោយឥតខាន់ស្លា ។
រឿងនេះខាត់ សុឃីម ចេញមុខបដិសេធជារឿយៗថា
នាងមានកូននេះមិនមែនលួចមានទំនាក់ទំនងជាមួយប្តី
គេទេ គឺដោយសារតែនាងចង់បានកូនទើបចាក់មេជីវិត
ដើម្បីមានកូនមិនចាំបាច់មានប្តី ។
ជុំវិញរឿង អាស្រូវ
និងពាក្យចចាមអារ៉ាមទាំងអស់ត្រូវបញ្ចប់ទៅវិញ
ដោយសារតែអ្នកនាងខាត់ សុឃីម និងលោកអិុន សុផាណូ
បានចូលរោងជ័យសំពះផ្ទឹមជាមួយគ្នានៅថ្ងៃទី១២ ធ្នូ
ឆ្នាំ២០១២
ដោយរៀបចំពិធីនៅគេហដ្ឋានរបស់នាងខាត់ សុឃីម
នៅបុរីសាន់វេ ស្ទឹងមានជ័យ រាជធានីភ្នំពេញ
។ពិធីមង្គលការនោះ មិនមានវត្តមានរបស់លោកចា
រិទ្ធី ទេ ហើយត្រូវអ្នកនាងខាត់ សុឃីម ប្រាប់ឱ្យដឹងថា
នាងមិនបានអញ្ជើញលោកទេ ។
ហេតុដែលនាងមិនអញ្ជើញ
គឺដោយសារតែនាងមិនដែលស្គាល់
និងមិនដែលទាក់ទងជាមួយលោកចា រិទ្ធី ទេ
បើសិនជានាងស្គាល់ក៏អញ្ជើញចូលរួមដែរ ។ នាងខាត់
សុឃីម បានភ្ជាប់ពាក្យជាមួយលោកអិុន សុផាណូ
កាលពីថ្ងៃទី ២៣ កុម្ភៈ ឆ្នាំ២០១១ ។ ពេលនេះនាង
និងលោកផាណូ បានក្លាយជាគូស្វាមីភរិយាស្របច្បាប់ហើយ ៕(KOH)
