 |
| លោក Psy មានសេចក្តីរីករាយយ៉ាងខ្លាំង ដែលបានស្ថិតនៅក្នុងប្រទេសអង់គ្លេសរយៈពេលបីថ្ងៃ ខណៈដែលគាត់ត្រូវបានទទួលស្វាគមន៍ដោយពួកអ្នកគាំទ្រ នៅពេលដែលគាត់បានទៅដល់សហភាពអក់ស្វឺដ |
តារាចម្រៀងកូរ៉េខាងត្បូងវ័យ៣៤ឆ្នាំ ដែលវីដេអូចម្រៀងរបស់គាត់គឺជាឃ្លីបដែលត្រូវបានចូលមើលច្រើនបំផុត ទីពីរនៅក្នុងប្រវត្តិសាស្ត្រYouTube គឺជាកំពូលតារាដំបូងគេនៅអាស៊ីអាគ្នេយ៍ដែលទាក់ទាញអង្គការ ប្រវត្តិសាស្ត្រនេះ។
សុន្ទរកថានេះនឹងក្លាយជាសុន្ទរកថា ផ្លូវការដំបូងគេរបស់លោកPsyនៅក្នុងប្រទេសអង់គ្លេស ហើយគាត់បានជ្រើសរើសយកវេទិការដ៏ល្អឥតខ្ចោះនៅអង្គការមួយ ដែលពីមុនអតីតនាយករដ្ឋមន្ត្រីអង់គ្លេស លោក ហារ៉ូល ម៉ាក់មីល្លឹន បានហៅថា "ទីកន្លែងការពារចុងក្រោយនៃសេរីភាពបញ្ចេញមតិនៅក្នុងប្រទេសលោកខាងលិច "។
សហភាពដែលកើតឡើងដោយឯករាជ្យចេញពីសាកលវិទ្យាល័យអក់ ស្វឺដ និងសហភាពរបស់និស្សិតសាកលវិទ្យាល័យនេះ កាលពីមុនបានទទួលស្វាគមន៍មនុស្សសំខាន់ៗចាប់ពីអតីតប្រធានាធិបតី សហរដ្ឋអាមេរិក និងជាអ្នកទទួលពានរង្វាន់ណូបែលសន្តិភាព លោក ជីមមី កាទ័រ រហូតដល់ស្តេចចម្រៀងប៉ប់សហរដ្ឋអាមេរិក លោក ម៉ៃឃើល ជែកសាន់ ឲ្យថ្លែងសុន្ទរកថាទៅកាន់ក្រុមសមាជិករបស់ខ្លួន។
លោក Psyដែលមានឈ្មោះពិត ផាក ជែសាង បានធ្វើដំណើរពីទីក្រុងប៉ារីស តាមខ្សែរថភ្លើងល្បឿនលឿនអឺរ៉ូស្តានិងបាននិយាយថាគាត់បាននឹងកំពុង ទស្សនកិច្ចប្រទេសអង់គ្លេសរយៈពេលបីថ្ងៃ។
គាត់បានឈប់រយៈពេលយ៉ាងខ្លីដើម្បីថតរូប និងចុះហត្ថលេខានៅឯស្ថាននីយរថភ្លើង សេនធ៍ ភែនក្រាស។
គាត់បាននិយាយថា វាពិតជាគួរឲ្យចាប់អារម្មណ៍ខ្លាំងណាស់ដែលស្ថិតនៅក្នុងប្រទេស អង់គ្លេស ហើយជាអារម្មណ៍ដ៏អស្ចារ្យមួយដែលត្រូវបានទទួលរាក់ទាក់ដោយមនុស្ស យ៉ាងច្រើនបែបនេះ។
តារាចម្រៀងរ៉េបកូរ៉េខាងត្បូងរូបនេះ បានក្លាយជាទីចាប់អារម្មណ៍មួយនៅទូទាំងពិភពលោក នៅពេលដែលបទចម្រៀងទោល Gangnam Style របស់គាត់បានជាប់ចំណាត់ថ្នាក់លេខមួយ នៅក្នុងប្រទេសអង់គ្លេស ក្នុងខែកញ្ញា ឆ្នាំ២០១២៕
