ប្រភពព័ត៌មានពីមន្ត្រីប៉ូលិសខណ្ឌសែនសុខ
ឱ្យដឹងថា បុរសរងគ្រោះឈ្មោះវ៉ង សុធា អាយុ២៤ឆ្នាំ ជានិស្សិត
ស្នាក់នៅសង្កាត់ស្ទឹងមានជ័យ ខណ្ឌមានជ័យ បានរងរបួសជាទម្ងន់
ដោយបាក់ក្តោងច្រមុះ បែកមាត់ និងរយះចិញ្ចើមខាងឆ្វេង
សន្លប់ស្តូកស្តឹងត្រូវបានគេបញ្ជូនតាមរយៈរថយន្តសាមុយដឹកយកទៅ
សង្គ្រោះ និងព្យាបាលភ្លាមៗផងដែរ ។ ចំណែកបុរសឈ្មោះ ឆ លីហៀង
គ្រាន់តែរបួសស្រាលប៉ុណ្ណោះ ត្រូវជាមិត្តភក្តិរបស់ជនរងគ្រោះ
។ មន្ត្រីដដែលបានបន្តថា
ទំនាស់ខាងលើកើតឡើងដោយសាររឿងញ៉ែសង្សាររបស់ជនដៃដល់
ហើយបុរសជាជនដៃដល់បានណាត់ជួបបុរសរងគ្រោះទាំង២នាក់នៅចំណុច
ស្ថានីយប្រេងសូគីមិច ស្រាប់តែនៅវេលាម៉ោងកើតហេតុខាងលើ
បុរសរងគ្រោះទាំង២នាក់បានជិះម៉ូតូម៉ាកឌ្រីមសេ១២៥ ពណ៌ខ្មៅ
មកដល់ចំណុចខាងលើ
ក៏ត្រូវក្រុមជនដៃដល់២នាក់យកដំបងដែលត្រៀមទុកជាមុនវាយសំពង
ទៅលើជនរងគ្រោះទាំង២នាក់តែម្តង ។
