ខេត្តព្រះវិហារ ៖ កាលពីវេលាម៉ោង១២អធ្រាត្រ
ឈានចូលថ្ងៃទី៩ វិច្ឆិកា ២០១២
សមត្ថកិច្ចកងរាជអាវុធហេត្ថខេត្តបានធ្វើការបង្ក្រាបករណីក្មេង
ទំនើងទាំងកណ្តាលអធ្រាត្រ និងឃាត់ខ្លួន២នាក់នៅចំណុចផ្សារចាស់
ស្ថិតក្នុងភូមិថ្មី សង្កាត់កំពង់ប្រណាក ក្រុងព្រះវិហារ
ពីបទអុកឡុក និងបង្កហិង្សាលើអ្នកដទៃ
ប៉ុន្តែមិនបង្កឱ្យមានរបួសស្នាមឡើយ ក្នុងនោះ១-ឈ្មោះ វ៉ាញ
វិចិត្រ ភេទប្រុស អាយុ១៩ឆ្នាំ ជាសិស្ស រស់នៅភូមិថ្មី
សង្កាត់កំពង់ប្រណាក ក្រុងព្រះវិហារ ២-ឈ្មោះ សន ចាន់ឌី ភេទប្រុស
អាយុ១៨ឆ្នាំ ជាសិស្ស រស់នៅភូមិភារកិច្ច សង្កាត់ប៉ាលហាល
ក្រុងព្រះវិហារ ខេត្តព្រះវិហារ ។
នៅព្រឹកថ្ងៃទី១០ វិច្ឆិកា
សមត្ថកិច្ចកងរាជអាវុធហត្ថក៏បានធ្វើការអប់រំ ណែនាំ
និងចុះកិច្ចសន្យាឱ្យឪពុកម្តាយមកទទួលយកទៅអប់រំនៅលំនៅឋានវិញ ។
គួររំលឹកផងដែរ តាមសមត្ថកិច្ចកងអាវុធហត្ថឱ្យដឹងថា
ក្មេងទំនើងខាងលើត្រូវបានសមត្ថកិច្ចកងរាជអាវុធហត្ថខេត្តធ្វើ
ការឃាត់ខ្លួនជាច្រើនដង
និងអប់រំជាច្រើនលើកណាស់មកហើយនៅតែមិនរៀងចាល ។
