ខេត្តកំពង់ចាម ៖ ជនសង្ស័យ៣នាក់
ជិះម៉ូតូម៉ាកវ៉េវ ពណ៌ខ្មៅ ស៊េរី២០១០
ធ្វើសកម្មភាពឆក់ខ្សែ.កស្ត្រីម្នាក់កំពុងធ្វើដំណើរតាមផ្លូវជាតិ
លេខ៧ យ៉ាងគឃ្លើន ដោយមិនខ្លាចរអែងអីសោះ តែបាបកម្មព្រះមិនជួយ
ក៏ត្រូវបានកម្លាំងកងរាជអាវុធហត្ថស្នាក់ការ៧០១
ប្រចាំស្រុកពញាក្រែក
ចេញអន្តរាគមន៍ក្របួចជាប់កាលពីវេលាម៉ោង១១និង១៥នាទីព្រឹកថ្ងៃទី
១០ វិច្ឆិកា ២០១២ ស្ថិតក្នុងភូមិអំពុក ឃុំក្រែក ស្រុកពញាក្រែក
ព្រមទាំងដកហូតបានម៉ូតូ១គ្រឿងដែលជិះធ្វើសកម្មភាព
និងខ្សែ.កប្លាទីន១ខ្សែ ទម្ងន់១ជី២ហ៊ុន
មកប្រគល់ឱ្យម្ចាស់វិញផងដែរ ។
លោកវរសេនីយ៍ត្រី ឈុន សំអូន
មេបញ្ជាការកងរាជអាវុធហត្ថស្នាក់ការ៧០១ បានឱ្យដឹងថា
ជនទាំង៣នាក់ដែលត្រូវបានឃាត់ខ្លួននោះរួមមាន ១-ឈ្មោះ ឌៀប ធំ
ភេទប្រុស អាយុ២៤ឆ្នាំ រស់នៅភូមិត្រមូង ឃុំត្រមូង ស្រុកមេមត់
២-ឈ្មោះ ខាន់ ងុយ ភេទប្រុស អាយុ២៥ឆ្នាំ និង៣-ឈ្មោះ ស្វិត ណង
ភេទប្រុស អាយុ១៧ឆ្នាំ ទាំង២នាក់រស់នៅភូមិត្របែក ឃុំមេមត់
ស្រុកមេមត់ ។
