រាជធានីភ្នំពេញ ៖ ថ្ងៃសៅរ៍ ទី១០ វិច្ឆិកា
នេះ
នៅលើសង្វៀនប្រដាល់ស្តាតចាស់របស់ស្ថានីយទូរទស្សន៍កង
យោធពលខេមរភូមិន្ទប៉ុស្តិ៍លេខ៥
កីឡាករកម្ពុជាចំនួន៣រូបនឹងជួបប្រកួតជាមួយ
កីឡាករបរទេស
ដែលសុទ្ធតែជាជើងខ្លាំងមកពីប្រទេសថៃ និងប្រេសីុល ។
គូប្រកួតអន្តរជាតិទាំង៣គូនោះ គឺ កីឡាករជ័យ
កុសល មកពីក្លិបកងរាជអាវុធហត្ថលើផ្ទៃប្រទេស
ត្រូវបានផ្គូផ្គងឱ្យជួបប្រកួតជាមួយកីឡាករប្រេស៊ីល
Jas Mendona ក្នុងប្រភេទទម្ងន់៦៩គីឡូក្រាម កីឡាករពេជ្រ សីហា
មកពីសមាគមកីឡាប្រដាល់ក្រសួងការពារជាតិ
ប្រកួតជាមួយកីឡាករថៃ Darathang
ក្នុងប្រភេទទម្ងន់៦៧គីឡូក្រាម និងកីឡាករផល សូផាត
មកពីក្លិបកងរាជអាវុធហត្ថរាជធានីភ្នំពេញ
ប្រកួតជាមួយកីឡាករថៃ Nam Yapa ក្នុងប្រភេទទម្ងន់៦៥គីឡូក្រាម
។
ជ័យ កុសល
អ្នកណាក៏ស្គាល់ដែរគេជាអ្នកប្រដាល់ចាស់វស្សា
មួយរូបមានកេរិ៍្តឈ្មោះល្បីល្បាញបំផុត
និងធ្លាប់ឆ្លងកាត់ការប្រកួតរាប់រយដងឯណោះ ។
បច្ចុប្បន្នបើទោះជាគេមានវ័យរាងជ្រេបន្តិចទៅហើយ
ក្តី តែកម្លាំង
និងល្បិចប្រយុទ្ធនៅខ្លាំងដដែលមិនថមថយទៅតាមវ័យ
ឡើយ ។
ស្នៀតកណ្តាប់ដៃរបស់គេអាចវាយចេញបានត្រង់ល្អ
ហើយមានទម្ងន់ទៀត
រីឯស្នៀតជើងពេលទាត់ចេញម្តងៗបង្កគ្រោះថ្នាក់
ខ្លាំងណាស់ ។ ចំណែកកីឡាករប្រេសីុល Jos Mendona វិញ
មានប្រវត្តិប្រកួតមិនធម្មតាទេ
គឺប្រកួតបាន៥១ដង ឈ្នះ៣៤ដង ចាញ់៥ដង
ស្មើ១២ដង
និងធ្លាប់ផ្តួលគូប្រកួតឱ្យសន្លប់បានចំនួន១០ដង ។
ទោះបីជាយ៉ាងនេះក្តី ក៏គេមិនទាន់ដឹងថា
កីឡាករប្រេសីុលរូបនេះអាចតស៊ូជាមួយជ័យ កុសល
បានឬអត់នោះដែរ ។
ពេជ្រ សីហា
អ្នកណាមិនល្បីថាគេមានស្នៀតកែង
និងជង្គង់ល្អនោះ ។ ស្នៀតកែង
និងជង្គង់របស់គេអាចវាយចំគោលដៅបានល្អ
ទោះបីជាកម្លាំងស៊ុហ្វរាងខ្សោយបន្តិច
តែចិត្តវិញសឿងបំផុត
និងមានប្រវត្តិប្រកួតមិនតិចជាង១០០ដងឡើយ ។
ចំណែកឯកីឡាករថៃ Dara thang វិញ
មានប្រវត្តិប្រកួត៣៥ដង ក្នុងនោះឈ្នះ២៦ដង
ចាញ់៧ដង ស្មើ២ដង
និងធ្លាប់វាយគូប្រកួតឱ្យសន្លប់រហូតដល់១២ដង
។ផល សូផាត ជាកំពូលអ្នកលេងស្នៀតកណ្តាប់ដៃ
ព្រោះគេធ្លាប់ធ្វើជាកីឡាករប្រដាល់សាកលអាជីព ។
ចំណែកស្នៀតកែង និងជង្គង់ក៏អាចប្រើការបានដែរ
បើគូប្រកួតហ៊ានតែប្រហែសច្បាស់ជាប្រហោងមិនខាន ។
ចំណែកកីឡាករថៃ Nam Yapa
វិញអាចចាត់ទុកថា ជាជើងខ្លាំងមួយរូបដែរ
ព្រោះក្នុងប្រវត្តិប្រកួត៣៥ដង ឈ្នះ២៥ដង ចាញ់៨ដង
ស្មើ២ដង និងផ្តួលគូប្រកួតឱ្យសន្លប់ចំនួន៩ដង
ដូច្នេះចាំមើលគូនេះអ្នកណាខ្លាំងជាងអ្នកណា ។
ក្រៅពីគូអន្តរជាតិចំនួន៣គូនេះទៅ
នៅមានការប្រកួតរវាងកីឡាករក្នុងស្រុកជាច្រើនគូទៀត
ដែលត្រូវឡើងមកសម្តែងប្ញទ្ធិដាក់គ្នាជូនទស្សនិកជន
បានទស្សនាកម្សាន្តនៅថ្ងៃចុងសប្តាហ៍នេះផងដែរ ៕ (KOH)
