ភ្នំពេញ ៖ ភាពភ្ញាក់ផ្អើលមួយបាន
បង្កឱ្យមានការកកស្ទះចរាចរមួយសន្ទុះធំ
ខណៈដែលមានករណីគ្រោះថ្នាក់ចរាចរ មួយបានកើតឡើងរវាងរថយន្ដ៣គ្រឿង
បុកបន្ដកន្ទុយគ្នា តែមិនបណ្ដាលឱ្យមាន
គ្រោះថ្នាក់អ្វីធ្ងន់ធ្ងរនោះទេ ។
ហេតុការណ៍នេះបានកើតឡើងកាលពី
វេលាម៉ោង៧និង៥០នាទីយប់ថ្ងៃទី៧ខែ វិច្ឆិកាឆ្នាំ២០១២
នៅត្រង់ចំណុចភ្លើងស្ដុប គួកជេម៉ូតូផ្លូវ១៨២ កែងផ្លូវ១៦១
សង្កាត់ វាលវង់ ខណ្ឌ៧មករា ដែលបង្កឡើង ដោយរថយន្ដ៣គ្រឿង
១គ្រឿងម៉ាកឡិច ស៊ីស GS300 ពណ៌ខ្មៅ ពាក់ស្លាកលេខ ខេមរភូមិន្ទ
២-៣២៥៨ ជិះគ្នា៣នាក់ ១គ្រឿងទៀតម៉ាកកូរ៉ូណា ពណ៌ស្ករ ពាក់
ស្លាកលេខភ្នំពេញ 2Q-0427 ជិះគ្នា៤នាក់ សុទ្ធតែមនុស្សស្រី
ក្នុងនោះមានស្ដ្រីមាន ផ្ទៃពោះម្នាក់
និង១គ្រឿិងទៀតម៉ាកកាមរី ហាយប្រ៊ីដ ពណ៌ស ពាក់ស្លាកលេខ
ភ្នំពេញ 2CT9692 ដែលបើកបរដោយ ស្រីស្រស់វ័យក្មេងម្នាក់ ។តាមប្រភពពីកន្លែងកើតហេតុបានឱ្យ ដឹងថា ដំបូងគេបានឃើញរថយន្ដទាំង៣ គ្រឿងបើកស្របទិសគ្នា ក្នុងទិសដៅពី លិចទៅកើត(ពីរង្វង់មូលនាងគង្ហីងមក ភ្លើងស្ដុប) ដែលរថយន្ដឡិចស៊ីសបើក មុខគេ ហើយរថយន្ដកូរ៉ូណា បើកបន្ទាប់ និងរថយន្ដកាមរីបើកបរពីខាងក្រោយគេ លុះមកដល់ភ្លើងស្ដុបភ្លើងក្រហម រថយន្ដ ឡិចស៊ីសបានឈប់ស្ដុប ហើយស្រាប់តែ រថយន្ដកាមរីកាមរីហាយប្រ៊ីដមកបុក រថយន្ដកូរ៉ូឡាពីខាងក្រោយ បណ្ដាលឱ្យ រថយន្ដកូរ៉ូឡាបន្ដទៅបុករថយន្ដឡិចស៊ីស នៅខាងមុខ ។ ក្រោយពីមានករណីនេះ កើតឡើង គេបានឃើញម្ចាស់រថយន្ដ ឡិចស៊ីស និងកូរ៉ូឡាចុះមកទាមទារឱ្យ ភាគីរថយន្ដកាមរីសងការខូចខាត បង្កឱ្យ មានការកកស្ទះចរាចរមួយសន្ទុះធំ ក្រោយមក ម្ចាស់រថយន្ដកាមរីក៏បាន សងទៅម្ចាស់រថយន្ដឡិចស៊ីស២០០ ដុល្លារ និងម្ចាស់រថយន្ដកូរ៉ូឡា១៣០ដុល្លារដើម្បីបញ្ចប់រឿង (NMC)
