គ្រូពេទ្យនិងបណ្តាអ្នកទទួលខុសត្រូវមូល
ដ្ឋានរាយការណ៍ថាការប៉ះទង្គិចគ្នានានារវាងពួកកុលសម្ព័ន្ធនៅគូហ្វ្រា
ភាគអាគ្នេយ៍លីប៊ី
បណ្តាលឱ្យមនុស្សស្លាប់យ៉ាងតិច៤៧នាក់និងរបួសជាង១០០នាក់
ចាប់តាំងពីថ្ងៃទី២៧ មិថុនាមក ។យោងតាមលោកវេជ្ជបណ្ឌិតតាហ័រវ៉ើលី
ដែលព្យាបាលពួកអ្នករបួសនៃកុលសម្ព័ន្ធទូប៊ូ នៅគូហ្វ្រាថា មនុស្ស៣២នាក់
បានត្រូវស្លាប់ក្នុងសង្កាត់២ដែលមានសមាជិកកុលសម្ព័ន្ធនេះរស់
នៅច្រើន
ហើយមនុស្សជាង១០០នាក់ទៀតត្រូវរបួសក្នុងនោះជាងពាក់កណ្តាលជានារីនិង
កុមារ ដែលត្រូវអំបែងគ្រាប់កាំភ្លើងត្បាល់ ។
ទន្ទឹមនឹងនេះលោកABDALLAH ZWAI ប្រមុខកុលសម្ព័ន្ធ
ZWAIគូសបញ្ជាក់ថា ពួក ZWAI
ក្នុងការប៉ះទង្គិចគ្នាជាមួយពួកទូប៊ូ
បណ្តាលឱ្យសមាជិកកុលសម្ព័ន្ធនោះស្លាប់១៤នាក់
រយៈពេល៣ថ្ងៃចុងក្រោយនេះ ។ លើសពីនេះទៀតពួកកុលសម្ព័ន្ធទូប៊ូ
បានវាយប្រហារកាលពីថ្ងៃទី២៩មិថុនាលើកងកម្លាំងនៃកងពលតូច LIBYA SHIEL
BRIGADE
ជាកងកម្លាំងរក្សាសន្តិសុខបញ្ជូនទៅកាន់តំបន់នោះកាលពីខែកុម្ភៈដោយ
អាជ្ញាធរថ្មីលីប៊ី បណ្តាលឱ្យមនុស្សម្នាក់ស្លាប់
។គូហ្វ្រាជាទីក្រុងមួយមានប្រជាជន៤០.០០០នាក់
ស្ថិតនៅតំបន់វាលខ្សាច់លីប៊ីមួយជាប់ព្រំដែនជាមួយអេហ្ស៊ីប ស៊ូដង់
និងឆាដ៕
