កណ្ដាលៈ យុវជនសង្ស័យជាឃាតកម្នាក់
ត្រូវបានមន្រ្តីនគរបាលស្រុកកៀនស្វាយ
បញ្ជូនខ្លួនទៅសាលាដំបូងខេត្តហើយ កាលពី
បន្ទាប់ពីកាប់មិត្តរួមតុផឹកស៊ីរបស់ខ្លួនម្នាក់ឲ្យដាច់កស្លាប់
ភ្លាមៗ នៅវេលាម៉ោង៤ កន្លះ រសៀលថ្ងៃទី១៨ ខែកក្កដា ឆ្នាំ២០១២
នៅភូមិ-ឃុំកំពង់ស្វាយ ស្រុកកៀនស្វាយ ខេត្ដកណ្ដាល ។
លោក គឹម
រតនា អធិការរងផ្នែកព្រហ្មទណ្ឌស្រុកកៀនស្វាយបានឲ្យដឹងថា៖ «
ជនសង្ស័យ ត្រូវបានបញ្ជូនទៅតុលាការហើយ
តែមិនដឹងតុលាការចោទពីបទអីទេ។
ជាបឋមខ្ញុំបានចោទពីបទឃាតកម្មដោយចេត្តនា»។
លោកបានឲ្យដឹង
ថា យុវជនដៃដល់មានឈ្មោះ ម៉ន ដារ៉ូ អាយុ១៦ឆ្នាំ
រស់នៅភូមិ-ឃុំកំពង់ស្វាយ ស្រុកកៀនស្វាយ ខេត្ដកណ្ដាល
បានយកកាំបិតប៉័ងតោចំ.កខាងឆ្វេង របស់ សាន សល់
បណ្ដាលឱ្យដាច់បំពង់ខ្យល់ប្រកាច់ស្លាប់នៅនឹងកន្លែងភ្លាមមួយរំពេច
។រីឯ ជនរងគ្រោះ សាន សល់ អាយុ២១ឆ្នាំ
បានប្រកាច់ស្លាប់នៅនឹងកន្លែងមួយរំពេច
បន្ទាប់ពីជនល្មើសកាប់មួយកាំបិតប៉័ងតោចំ.កខាងឆ្វេង ។
លោក
បន្តថា ពួកគេបានផឹកស៊ីជាមួយគ្នាមានមនុស្ស៥នាក់
ផឹកអស់ស្រា៤លីត្រ ក្រោយមក៣នាក់បានទៅ វិញ។ លោកបញ្ជាក់ថា៖
«ជនរងគ្រោះបានហៅ ជនល្មើសវាយគ្នា
ជនល្មើសប្រាប់ថាកុំចូលមកខ្ញុំកាប់ តែជនរងគ្រោះនៅតែចូលមក
ទើបជនល្មើសកាប់ស្លាប់បែបនេះ»។លោកថា៖
«អ្នកនៅទីនោះមិនមានអ្នកណាម្នាក់នឹកថា
ពួកគេកាប់សម្លាប់គ្នាបែបនេះសោះ»។
