សមត្ថកិច្ច បានអោយដឹងថា ជនសង្ស័យ ឈ្មោះ លៀប ហេង អាយុ ៣៤ឆ្នាំ ស្នាក់នៅសង្កាត់បឹងទំពុន ខណ្ឌមានជ័យ មានស្រុកកំណើត នៅក្រុងប៉ោយប៉ែត ខេត្តបន្ទាយមានជ័យ។
សមត្ថកិច្ចដក បានមកវិញនូវវត្ថុតាងម៉ូតូម៉ាកវីវ៉ា ស៊េរីឆ្នាំ២០០៦ ពណ៌ខ្មៅពាក់ស្លាកភ្នំពេញ 1W-9300 ជារបស់ជនរងគ្រោះ។ ចំណែកជនរងគ្រោះ ឈ្មោះ សុខ រាណ អាយុ ២៨ឆ្នាំ ជាកម្មករសំណង់ស្នាក់នៅផ្ទះជួល ម្តុំវត្តនាគវ័ន សង្កាត់បឹងកក់ទី២ ខណ្ឌទួលគោក។
ជនរងគ្រោះ បានឲ្យដឹងថា នៅវេលាម៉ោង ៨ និង ៣០ នាទី យប់ ថ្ងៃទី១៨ ខែកក្កដា ឆ្នាំ២០១២ ខ្លួនបាននាំប្រពន្ធទៅអុចធូប នៅព្រះអង្គដងកើ មុខវាំង ដោយមិនបានផ្ញើទេ តែបានចាក់សោរកត្រឹមត្រូវ។ ខណៈអុចធូបរួច មករកម៉ូតូស្រាប់តែបាត់ ក៏ទៅប្តឹងសមត្ថកិច្ច និងដើររកតាមកន្លែងទទួលផ្ញើផ្សេងៗ។
ពេលមករកកន្លែងផ្ញើ កង់ម៉ូតូនៅកាល់ម៉ែត ស្រាប់តែឃើញ ពេលនោះ ខ្លួនក៏បានសហការជាមួយក្រុមសន្តិសុខពេទ្យ រួមទាំងសមត្ថកិច្ច តាំងពីយប់រហូតដល់ម៉ោងកើតហេតុ ទើបចាប់ឃាត់ខ្លួនជនសង្ស័យបាន៕
