លោក Beat Richner ដែលជាស្ថានិកមន្ទីរពេទ្យគន្ធបុបា្ផ បានមានប្រសាសន៍ថា៖«អ្វីដែលបានសម្លាប់កុមារនោះ គឺក្នុងរយៈពេល៤ ម៉ោងចុងក្រោយ នៃជីវិតរបស់គេ។ សួតរបស់កុមារទាំងអស់បានខូចទាំងស្រុង។
អង្គការសុខភាព ពិភពលោក និងក្រសួងសុខាភិបាលខ្មែរ បានកំណត់ត្រឹមតែ ៥៩ ករណី មានកុមារស្លាប់ ៥២ នាក់។ Richner បាននិយាយទៀតថា កុមារមានជំងឺ ៦៤ ករណី បានស្លាប់ចំនួន ៦២នាក់ គ្រាន់តែក្នុងមន្ទីរពេទ្យលោកមួយប៉ុណ្ណោះ។ លោក បានប្រាប់ក្រសួងសុខាភិបាល កាលពីថ្ងៃទី ២០ ខែមិថុនា អំពីចំនួនស្លាប់ដ៏ច្រើននេះ ក្នុងមន្ទីរពេទ្យរបស់លោក ចាប់តាំងពីខែមេសា ដែលកុមារភាគច្រើនអាយុក្រោម ៣ ឆ្នាំបានស្លាប់ក្នុងរយៈពេល ២៤ ម៉ោង ក្រោយពេលបញ្ជូនដល់មន្ទីរពេទ្យ។
ការធ្វើតេស្ត ដោយវិទ្យាស្ថានប៉ាស្ទ័រកម្ពុជា បានកំណត់មេរោគ EV71 ជាមេរោគដែលអាចងាយឆ្លងតាម ដៃ ជើង និងមាត់បណ្តាលឲ្យកុមារឈឺរហូតដល់ស្លាប់។
Dr.Nima Asgri ជាវេជ្ជបណ្ឌិតប្រចាំអង្គការសុខភាពពិភពលោកដែលបានកំពុងធ្វើ ការងារជាមួយរដ្ឋាភិបាល ក្នុងការតាមដានការស្លាប់នេះ បានថ្លែងថា៖ «ទីភ្នាក់ងារអង្គការសហប្រជាជាតិ បានរកឃើញធាតុបង្កឲ្យកុមារស្លាប់ជាច្រើនរួមមានគ្រុនឈាម ក៏អាចបណ្តាលឲ្យស្លាប់ និងការប្រើប្រាស់សារធាតុបង្កើតអ័រម៉ូនក្នុងខ្លួនមនុស្សក្នុង ការព្យាបាលអ្នកជំងឺដែលមានផ្ទុកមេរោគ EV 71។
Asgri បានថ្លែងថា៖ «ការតាមដានរបស់យើងបានរកឃើញថា សារធាតុបង្កើតអ័រម៉ូន ក្នុងខ្លួនមនុស្ស ត្រូវបានប្រើ...និងមានការសិក្សាជាច្រើនទៀតទៅលើការព្យាបាល អ្នកជំងឺដែលមានមេរោគ EV 71»។ លោកបង្ហាញថា៖«កុមារចំនួន៦២ នាក់ ដែលស្លាប់នោះ ដំបូងត្រូវគេយកទៅព្យាបាលនៅតាមគ្លីនិកឯកជន»។ លោកគិតថា មានការបញ្ជូលឈាមខុសឬការព្យាបាលមិនត្រឹមត្រូវអាចបណ្តាល ឲ្យពុលក៏មាន»។
លោក Richner បន្តថា៖«ឪសថជាច្រើននៅកម្ពុជាក្លែងក្លាយឬ ខូចគុណភាពមិនមានការគ្រប់គ្រងលើគ្លីនិកទាំងនោះ។យើងមិន ទាន់ដឹងច្បាស់ពីមូលហេតុដែលធ្វើឲ្យកុមារស្លាប់នេះទេ»៕ SP
