បុរសវ័យ ៣៤ឆ្នាំ ឈ្មោះ រស់ ជា ជាកម្មករធ្វើនំបញ្ចុក
ដែលបានធ្វើសកម្មភាពលួងលោមក្មេងស្រីអាយុ ១០ឆ្នាំ យកទៅរួមភេទ
រហូតបានសម្រេច ជាថ្នូរនឹងប្រាក់ ១ពាន់រៀល បានត្រូវលោកស្រី ចាំង
ស៊ីណាត ប្រធានក្រុមប្រឹក្សាជំនុំសាលាដំបូងរាជធានីភ្នំពេញ
ប្រកាសសាលក្រម កាលពីថ្ងៃទី១៨ ខែកក្កដា ឆ្នាំ២០១២
សម្រេចផ្តន្ទាទោសដាក់ពន្ធនាគាររយៈពេល ១០ឆ្នាំ ពីបទ
រួមភេទជាមួយអនីតិជនអាយុក្រោម១៥ឆ្នាំ។
គួររម្លឹកថា
កាលពីថ្ងៃទី១២ ខែមីនា ឆ្នាំ២០១២ ឈ្មោះ រស់ ជា បានលួងលោមក្មេងស្រីអាយុ
១០ឆ្នាំ ដោយឲ្យប្រាក់ ១ពាន់រៀល រួចនាំទៅកន្លែងស្ងាត់
ក្បែរទីបូជាសព ក្នុងវត្តគ្រួស ហើយធ្វើសកម្មភាពចាប់រំលោភសេពសន្ថវៈ
រហូតបានសម្រេច។
ក្រោយពេលដែលបានរំលោភសេពសន្ថវៈរួចហើយ
ស្រាប់តែមានប្រជាពលរដ្ឋ មកឃើញសកម្មភាពនោះ
ក៏បានប្តឹងសមត្ថកិច្ចភ្លាមៗ រួចសមត្ថកិច្ចក៏ចុះមកចាប់បុរសរូបនេះ
នៅទីកន្លែងកើតហេតុតែម្តង។
ឈ្មោះ រស់ ជា បានសារភាពថា
ខ្លួនបានលួងលោមក្មេងស្រីរងគ្រោះ ដោយបានឱ្យប្រាក់ ១ពាន់រៀល
នៅពេលដែលនាងយល់ព្រមឲ្យខ្លួនរួមភេទ
ហើយខ្លួនបាននាំនាងទៅក្បែរទីបូជាសព ក្នុងវត្តគ្រួស
ហើយឲ្យនាងស្រាតសំពត់ចេញ បន្ទាប់មកក៏បានធ្វើសកម្មភាពរំលោភ
រហូតបានសម្រេច៕
