ឆេះកុដិ​ ព្រះសង្ឃនៅវត្ត ស្ទឹងមានជ័យ ខូចខាតត្រឹម ចង្រ្កានបាយ

ភ្នំពេញៈ អគ្គីភ័យដែលបានឆាបឆេះ កុដិព្រះសង្ឃ នៅក្នុងវត្ត ស្ទឹងមានជ័យ ខណ្ឌមានជ័យ បានរលត់ ទៅវិញ ហើយ នៅវេលាម៉ោងប្រហែល៤រសៀល ថ្ងៃទី២៦ ខែកក្កដានេះ ប៉ុន្តែអគ្គីភ័យមិនបាន បំផ្លាញទ្រព្យ សម្បតិ្ត និងកុដិព្រះសង្ឃទាំងស្រុងនោះឡើយ ពោលត្រឹមតែធ្វើឲ្យខូចខាតចង្រ្កានបាយប៉ុណ្ណោះ។
សេចក្តីរាយការណ៍ ពីសមត្ថកិច្ចបានឲ្យដឹងថា កុដិព្រះសង្ឃលេខ១៥-១៧ ត្រូវបានអគ្គីភ័យ ឆាបឆេះដោយមិនទាន់ដឹងមូលហេតុពិតប្រាកដ ប៉ុន្តែសាក្សីខ្លះបាននិយាយថា ប្រហែលមកពីដូនជីអុចធូប សែនថ្ងៃសីល រីឯប្រភពខ្លះទៀតនិយាយថា ប្រហែលមកពីព្រះសង្ឃឆាន់បារី ហើយបោះចោលកន្ទុយបារី។
សមត្ថកិច្ចបន្តថា រថយន្តពន្លត់អគី្គភ័យរបស់រាជធានី ភ្នំពេញចំនួន២គ្រឿងត្រូវបាន ទៅជួយអន្តរាគម។ នេះជាករណីអគ្គីភ័យ លើកទី៤៩ហើយ ក្នុងឆ្នាំ២០១២នេះ៕(dapnews)