នៅពេលដែលអាមេរិកបដិសេធដឹកនាំ
យុទ្ធនាការវាយប្រហារដោយកម្លាំង យោធាទៅលើប្រទេសស៊ីរីនោះ
ទីក្រុងវ៉ាស៊ីនតោនបានសម្រេចបញ្ជូនទាហាន
សព្វាវុធមួយចំនួនធំទៅកាន់ឈូងសមុទ្រជាប់ប្រទេសអ៊ីរ៉ង់ ។
ចំណែកមន្ដ្រីអារ៉ាប់ប៊ីសាអ៊ូឌីត បានប្រកាសថា
ប្រទេសនេះបានត្រៀមលក្ខណៈសម្រាប់យុទ្ធនាការយោធាអាមេរិកនៅក្នុង
ខែតុលានេះ ។
សារព័ត៌មាន ឌឹ ញូវយ៉កថែមស៍ បានផ្សព្វផ្សាយថា មន្ទីរបញ្ចកោណបានបញ្ជូនទាហាន និងសព្វាវុធទំនើបៗដោយស្ងាត់ ទៅកាន់ឈូងសមុទ្រភើស៊ាន ដើម្បីត្រៀមទប់ទល់រារាំងអ៊ីរ៉ង់បិទច្រកសមុទ្រហូមឺស។ ទន្ទឹមនឹងនោះ អាមេរិកបានបង្កើនយន្ដ ហោះចម្បាំង កាំជ្រួចមីស៊ីលទំនើបៗ ដែលអាចវាយលុកចូលជ្រៅនៅលើទឹកដីអ៊ីរ៉ង់ពេលដែលមានហេតុការណ៍ ចាំបាច់ និងភាពតានតឹងកាន់តែកើនឡើងនោះ ។
មន្ដ្រីយោធាអាមេរិកមួយរូបដែល សុំមិនបញ្ចេញឈ្មោះបាននិយាយថា “សារលិខិតរបស់អាមេរិកសម្រាប់អ៊ីរ៉ង់ នោះគឺកុំគិតដល់ការបិទច្រកសមុទ្រ ហូមឺស ឬក៏គិតដល់ការរំខាននាវារបស់ អាមេរិក និងនាវាដឹកជញ្ជូនប្រេងកាត ផ្សេងទៀត យើងនឹងបោសសំអាតជាន់ ពន្លិចនាវាដែលរំខាននោះទៅបាតសមុទ្រតែម្ដង” ។
សកម្មភាពខាងលើកើតឡើងក្រោយ ពេលទាហានជើងទឹកអាមេរិកបង្កើននាវា បោសសំអាតមីននៅតំបន់ឈូងសមុទ្រ ឡើងដល់៨គ្រឿងដើម្បីបោសសំអាតមីន ខ្លាចក្រែងអ៊ីរ៉ង់លួចដាក់បង្កៃនៅតំបន់ នោះសម្រាប់កម្ទេចនាវាអាមេរិក ។ ក្រៅពីនេះ អាមេរិកក៏បានបង្កើនបន្ថែម កងពលយន្ដហោះចម្បាំង F-22 ដែល ជាយន្ដហោះចម្បាំងបំបាំងកាយដ៏ទំនើប បំផុតរបស់អាមេរិក ។ ក្រៅពីនេះនៅ មានយន្ដហោ F-15 C បានដាក់ពង្រាយ នៅលើទីតាំងដឹកនាំដោយនាវាផ្ទុកយន្ដ ហោះនៅតំបន់ឈូងសមុទ្រនោះ ។
ក្រោយកិច្ចពិភាក្សាស្ដីអំពី បរមាណូ រវាងអ៊ីរ៉ង់ នឹងក្រុមប្រទេស៥បូក១ពីរ លើកមកហើយដោយមិនអាចរកច្រក ចេញបាន ធ្វើឱ្យអាមេរិក អ៊ីស្រាអែល និងសម្ពន្ធមិត្ដបានត្រៀមលក្ខណៈប្រើប្រាស់ផែនការចុងក្រោយនោះគឺ កម្លាំ យោធាបញ្ចប់កម្មវិធីបរមណូរបស់អ៊ីរ៉ង់តែម្ដង ៕
