ការដង្ហែក្បួនដ៏វែង ដែលបានចាប់ផ្តើមពីក្រុងឡាហ័រភាគខាងកើត ត្រូវបានរៀបចំឡើងដោយក្រុមប្រឹក្សាការពារប៉ាគីស្ថាន ជាសម្ព័ន្ធភាពនៃបក្សនយោបាយ និងសាសនាជាង៤០ ដែលជាក្រុមជំទាស់ខ្លាំងក្លាបំផុតប្រឆាំងនឹង បណ្តាញផ្គត់ផ្គង់នេះ។ ប៉ាគីស្ថាន បានបិទផ្លូវនេះកាលពីខែវិច្ឆិកា ជាការផ្ចាញ់តបទៅនឹងការវាយប្រហារផ្លូវអាកាសពីអាមេរិក ដែលបានសម្លាប់ទាហានអាហ្វហ្គានីស្ថាន២៤នាក់។
បន្តាប់ពីការ ចរចារាប់ខែ ក្រុងអ៊ីស្លាម៉ាបាតនៅទីបំផុតក៏បានយល់ព្រមបើកផ្លូវនេះឡើងវិញ កាលពីសប្តាហ៍មុន បន្ទាប់ពីរដ្ឋមន្ត្រីការបរទេសអាមេរិក លោកស្រី ហ៊ីឡារី គ្លីនតុន បានសុំទោសចំពោះការស្លាប់នោះ។ លោកស្រី ហ៊ីឡារី បានជួបជាមួយរដ្ឋមន្ត្រីការបរទេសប៉ាគីស្ថានលោកស្រី ហ៊ីណា រ៉ាប់បានី ខារ ជាលើកទីមួយចាប់តាំងពីការសុំទោសកាលពីថ្ងៃអាទិត្យនៅក្រៅសង្វៀន នៃសន្និសីទផ្តល់ជំនួយអាហ្វហ្គានីស្ថាននៅក្រុងតូក្យូ និងបានសម្តែងក្តីសង្ឃឹមថា ដំណោះស្រាយនៃបណ្តាញផ្គត់ផ្គង់នេះ នឹងនាំទៅរកទំនាក់ទំនងកាន់តែប្រសើររវាងសម្ព័ន្ធមិត្តមាន បញ្ហាទាំងពីរ។
ហេតុផលមួយដែលប៉ាគីស្ថានរង់ចាំយូរយ៉ាង នេះ ទើបដោះស្រាយជម្លោះគឺថារដ្ឋាភិបាល មានការបារម្ភអំពីប្រតិកម្មក្នុងស្រុកតបវិញនៅក្នុងប្រទេសដែលមនោ សញ្ចេតនាប្រឆាំងអាមេរិកគឺពិបាកទប់ស្កាត់ ថ្វីបើមានប្រាក់ជំនួយអាមេរិករាប់ពាន់លានដុល្លារកាលពីទសវត្សរ៍ កន្លងមកក្តី។
ការតវ៉ាបានចាប់ផ្តើមកាលពីថ្ងៃអាទិត្យនៅ កណ្តាលក្រុងឡាហ័រ ជាទីដែលមនុស្សជាច្រើនពាន់នាក់ បានជួបជុំគ្នាជាមួយរថយន្តក្រុងរថយន្តតូច និងម៉ូតូជាច្រើនគ្រឿង។
ពួក គេបានចូលរួមជាមួយនឹងអ្នកគាំទ្ររាប់ពាន់នាក់ទៀតដែលកំពុង រង់ចាំនៅជាយក្រុង និងបានបើកបរទៅកាន់ក្រុងអ៊ីស្លាម៉ាបាត។
មន្ត្រី ប៉ូលិស លោកបាបារ បាក់ បាននិយាយ ថា ក្បួនរថយន្តនេះ រួមមានរថយន្តប្រមាណជា ២០០គ្រឿង ដែលដឹកមនុស្សប្រមាណ៨ពាន់នាក់នៅពេលដែលវាបានចាកចេញពីក្រុង ឡាហ័រ។ នៅពេលដែលធ្វើដំណើរបាន៣០០គ.ម. មកកាន់ក្រុងអ៊ីស្លាម៉ាបាត ក្រុមអ្នកដង្ហែក្បួន ក៏រៀបចំតវ៉ានៅមុខអគារសភាថ្ងៃចន្ទម្សិលមិញ ។
មេដឹកនាំក្រុមប្រឹក្សា លោកមូឡាណា សាមីអ៊ុល អាហក់ បាននិយាយថា៖ «ការចេញមកតាមផ្លូវនេះ គឺប៉ាគីស្ថានបានបង្ហាញពីការស្អប់ខ្ពើមសម្រាប់អាមេរិក»។ ក្រុមអ្នកតវ៉ាបាន បាចស្រទាប់ផ្កាកុលាបទៅលើលោកហាក់ នៅពេលលោកនៅផ្នែកខាងក្រោយរថយន្តឆ្លងកាត់ក្រុងឡាហ័រ ជាមួយក្រុមមេដឹកនាំក្រុមប្រឹក្សាជាច្រើនទៀត។
អ្នកតវ៉ាជាច្រើន ជិះលើដំបូលរថយន្តក្រុង គ្រវីទង់បក្ស និងស្រែកពាក្យស្លោកប្រឆាំងអាមេរិកនិងណាតូ៕ IN
