មន្ត្រីជាន់ខ្ពស់គណៈកម្មការចម្រុះព្រំដែន ឲ្យដឹងថា
គណៈកម្មការបច្ចេកទេសព្រំដែនកម្ពុជា-វៀតណាម
គ្រោងនឹងពិភាក្សាគ្នាពីការផ្ទៀងផ្ទាត់គូសចំលងខ្សែបន្ទាត់
ព្រំដែន នៅថ្ងៃទី១០ ដល់ថ្ងៃទី១៣ ខែកក្កដា។
អនុប្រធានគណៈកម្មាធិការចំរុះកិច្ចការព្រំដែនកម្ពុជា អ្នកស្រី កុយ ពិសី នៅថ្ងៃទី៩ កក្កដា មានប្រសាសន៍ថា គណៈកម្មការបច្ចេកទេសព្រំដែនកម្ពុជា និងវៀតណាម នឹងបើកកិច្ចប្រជុំទ្វេភាគី ដើម្បីផ្ទៀងផ្ទាត់ការគូសចំលងខ្សែព្រំដែនពីផែនទីមាត្រដ្ឋាន ១/១០០.០០០ ទៅមាត្រដ្ឋាន ១/៥០.០០០ នៃប្រទេសទាំងពីរ។ អ្នកស្រីបន្តថា ការងារបច្ចេកទេសចំលងខ្សែព្រំដែននេះ ចំលងតាំងពីឆ្នាំ២០០៦ គ្រោងនឹងបញ្ចប់នៅឆ្នាំ២០១២។
អ្នកស្រីអះអាងថា ការអូសបន្លាយពេលវេលាគូសចំលងខ្សែផែនទីនេះ ដោយសារភាគីទាំងសងខាងមិនទាន់ស្រុះស្រួលគ្នាលើចំណុចមួយចំនួន៖ «អត់ ត្រូវគ្នាដោយសារតែយើងគូសចំលង។ ឥឡូវហ្នឹងមានមាត្រដ្ឋាន ១ លើ ១០០.០០០ ហ្នឹងអត់ស្របគ្នានឹងនៅលើដីជាក់ស្ដែង។ មានន័យថា ពលរដ្ឋរស់នៅលើដីជាក់ស្ដែងហ្នឹងរស់នៅតាមទម្លាប់ អត់រស់នៅតាមព្រំដែនទេ ដល់ពេលធ្វើផែនទីមានបញ្ហាស្មុគស្មាញច្រើនដែលត្រូវធ្វើការ សម្របសម្រួល»។
អ្នកស្រី កុយ ពិសី បន្តថា បើសិនការពិភាក្សាគ្នារវាងគណៈកម្មការបច្ចេកទេសទាំងពីរមានដំណើរ បានលឿន នឹងងាយឈានទៅធ្វើការងារជាបន្តទៅទៀត។
មន្ត្រីអ្នកនាំពាក្យគណបក្ស សម រង្ស៊ី លោក យឹម សុវណ្ណ មានប្រសាសន៍ថា គណបក្ស សម រង្ស៉ី មិនទទួលស្គាល់ឡើយការព្រមព្រៀងណាមួយរបស់ភាគីកម្ពុជា និងវៀតណាម ក្នុងបញ្ហាព្រំដែនបច្ចុប្បន្ន។ លោកបន្តថា លោកគ្មានជំនឿលើគណៈកម្មការបច្ចេកទេសកម្ពុជា ថាពួកគេបម្រើផលប្រយោជន៍ប្រទេសកម្ពុជាឡើយ។
លោក យឹម សុវណ្ណ៖ «យើងអត់មានជំនឿទាល់តែសោះថា គណៈកម្មការទាំងពីរនឹងដោះស្រាយបញ្ហាប្រកបដោយតម្លាភាពឡើយ»។
យ៉ាងណាក៏ដោយ មន្ត្រីជាន់ខ្ពស់គណៈកម្មការចម្រុះព្រំដែនកម្ពុជា អ្នកស្រី កុយ ពិសី ឲ្យដឹងថា បន្ទាប់ពីកិច្ចប្រជុំគណៈកម្មការបច្ចេកទេសរួច កម្ពុជានឹងរៀបចំផលិតផែនទីថ្មីដែលរៀបចំខ្សែព្រំដែននៅលើដី ឲ្យត្រូវនឹងខ្សែព្រំដែននៅលើផែនទី និងបង្គោលព្រំដែនជាក់ស្តែង។
កន្លងទៅអ្នកជំនាញកិច្ចការព្រំដែនបានរិះគន់រដ្ឋាភិបាលកម្ពុជា ថា ធ្វើការខ្វះការទទួលខុសត្រូវ ដោយសារតែគេរកឃើញថា រដ្ឋាភិបាលព្យាយាមប្រើប្រាស់ផែនទីខ្នាត ១ លើ ៥០ពាន់ ដែលប្រមុខរដ្ឋាភិបាលលោក ហ៊ុន សែន បានចុះកិច្ចព្រមព្រៀងសន្ធិសញ្ញាបំពេញបន្ថែម ឆ្នាំ២០០៥ ជាមួយប្រទេសវៀតណាម។ ចំណែកខ្នាតផែនទីទំហំ ១ លើ ១០០ពាន់ ដែលរដ្ឋការបារាំង បន្សល់ទុករវាងឆ្នាំ១៩៣០ និងឆ្នាំ១៩៥៣ រួមនឹងកិច្ចព្រមព្រៀងសន្តិភាពទីក្រុងប៉ារីស ២៣ តុលា ឆ្នាំ១៩៩១ ដែលសង្គមស៊ីវិលគិតថា ជាការចំណេញដល់កម្ពុជានោះ បែរជាត្រូវបានរដ្ឋាភិបាលបានទម្លាក់ចោលទៅវិញ៕
អនុប្រធានគណៈកម្មាធិការចំរុះកិច្ចការព្រំដែនកម្ពុជា អ្នកស្រី កុយ ពិសី នៅថ្ងៃទី៩ កក្កដា មានប្រសាសន៍ថា គណៈកម្មការបច្ចេកទេសព្រំដែនកម្ពុជា និងវៀតណាម នឹងបើកកិច្ចប្រជុំទ្វេភាគី ដើម្បីផ្ទៀងផ្ទាត់ការគូសចំលងខ្សែព្រំដែនពីផែនទីមាត្រដ្ឋាន ១/១០០.០០០ ទៅមាត្រដ្ឋាន ១/៥០.០០០ នៃប្រទេសទាំងពីរ។ អ្នកស្រីបន្តថា ការងារបច្ចេកទេសចំលងខ្សែព្រំដែននេះ ចំលងតាំងពីឆ្នាំ២០០៦ គ្រោងនឹងបញ្ចប់នៅឆ្នាំ២០១២។
អ្នកស្រីអះអាងថា ការអូសបន្លាយពេលវេលាគូសចំលងខ្សែផែនទីនេះ ដោយសារភាគីទាំងសងខាងមិនទាន់ស្រុះស្រួលគ្នាលើចំណុចមួយចំនួន៖ «អត់ ត្រូវគ្នាដោយសារតែយើងគូសចំលង។ ឥឡូវហ្នឹងមានមាត្រដ្ឋាន ១ លើ ១០០.០០០ ហ្នឹងអត់ស្របគ្នានឹងនៅលើដីជាក់ស្ដែង។ មានន័យថា ពលរដ្ឋរស់នៅលើដីជាក់ស្ដែងហ្នឹងរស់នៅតាមទម្លាប់ អត់រស់នៅតាមព្រំដែនទេ ដល់ពេលធ្វើផែនទីមានបញ្ហាស្មុគស្មាញច្រើនដែលត្រូវធ្វើការ សម្របសម្រួល»។
អ្នកស្រី កុយ ពិសី បន្តថា បើសិនការពិភាក្សាគ្នារវាងគណៈកម្មការបច្ចេកទេសទាំងពីរមានដំណើរ បានលឿន នឹងងាយឈានទៅធ្វើការងារជាបន្តទៅទៀត។
មន្ត្រីអ្នកនាំពាក្យគណបក្ស សម រង្ស៊ី លោក យឹម សុវណ្ណ មានប្រសាសន៍ថា គណបក្ស សម រង្ស៉ី មិនទទួលស្គាល់ឡើយការព្រមព្រៀងណាមួយរបស់ភាគីកម្ពុជា និងវៀតណាម ក្នុងបញ្ហាព្រំដែនបច្ចុប្បន្ន។ លោកបន្តថា លោកគ្មានជំនឿលើគណៈកម្មការបច្ចេកទេសកម្ពុជា ថាពួកគេបម្រើផលប្រយោជន៍ប្រទេសកម្ពុជាឡើយ។
លោក យឹម សុវណ្ណ៖ «យើងអត់មានជំនឿទាល់តែសោះថា គណៈកម្មការទាំងពីរនឹងដោះស្រាយបញ្ហាប្រកបដោយតម្លាភាពឡើយ»។
យ៉ាងណាក៏ដោយ មន្ត្រីជាន់ខ្ពស់គណៈកម្មការចម្រុះព្រំដែនកម្ពុជា អ្នកស្រី កុយ ពិសី ឲ្យដឹងថា បន្ទាប់ពីកិច្ចប្រជុំគណៈកម្មការបច្ចេកទេសរួច កម្ពុជានឹងរៀបចំផលិតផែនទីថ្មីដែលរៀបចំខ្សែព្រំដែននៅលើដី ឲ្យត្រូវនឹងខ្សែព្រំដែននៅលើផែនទី និងបង្គោលព្រំដែនជាក់ស្តែង។
កន្លងទៅអ្នកជំនាញកិច្ចការព្រំដែនបានរិះគន់រដ្ឋាភិបាលកម្ពុជា ថា ធ្វើការខ្វះការទទួលខុសត្រូវ ដោយសារតែគេរកឃើញថា រដ្ឋាភិបាលព្យាយាមប្រើប្រាស់ផែនទីខ្នាត ១ លើ ៥០ពាន់ ដែលប្រមុខរដ្ឋាភិបាលលោក ហ៊ុន សែន បានចុះកិច្ចព្រមព្រៀងសន្ធិសញ្ញាបំពេញបន្ថែម ឆ្នាំ២០០៥ ជាមួយប្រទេសវៀតណាម។ ចំណែកខ្នាតផែនទីទំហំ ១ លើ ១០០ពាន់ ដែលរដ្ឋការបារាំង បន្សល់ទុករវាងឆ្នាំ១៩៣០ និងឆ្នាំ១៩៥៣ រួមនឹងកិច្ចព្រមព្រៀងសន្តិភាពទីក្រុងប៉ារីស ២៣ តុលា ឆ្នាំ១៩៩១ ដែលសង្គមស៊ីវិលគិតថា ជាការចំណេញដល់កម្ពុជានោះ បែរជាត្រូវបានរដ្ឋាភិបាលបានទម្លាក់ចោលទៅវិញ៕
