ភ្នំពេញ ៖
បើទោះជាច្បាប់ត្រូវបានរឹតបន្ដឹងពីបញ្ហាជួញដូរផ្លូវភេទ
ប៉ុន្ដែមនុស្សមួយចំនួនដែលគេសំដៅថា មានខ្នងបង្អែកនោះ
ចូលចិត្ដតែធ្វើអាជីវកម្ម បំពានទៅនឹងច្បាប់ហាមឃាត់
ហើយកើតមានជាច្រើនកន្លែងនៅរាជធានីភ្នំពេញ
ក្នុងនោះសណ្ឋាគារឡាក់ស្ទ័រ រីវើល ដែលស្ថិតនៅតាមបណ្ដោយផ្លូវ
លេខ២០០ សង្កាត់បឹងរាំង ខណ្ឌដូនពេញ ក៏មានបម្រើសេវាផ្លូវភេទ
ដោយគ្មានលាក់លៀម ។ គេសង្ស័យថាការបើក
អាជីវកម្មបម្រើផ្លូវភេទនៅក្នុងសណ្ឋាគារ
នេះអាចពាក់ព័ន្ធអ្នកធំណាមួយជាបង្អែកទើបដំណើរការបាន ។
បុរសៗដែលចូលចិត្ដភ្លក់ម្ហូប ក្រៅផ្ទះ បានលើកឡើងពីអំណួតប្រាប់ទៅមិត្ដភក្ដិរបស់គេថា សណ្ឋាគារឡាក់ស្ទ័ររីវើល មានកន្លែងម៉ាស្សា និងសេវាផ្លូវភេទដំណើរការទាំងយប់ទាំងថ្ងៃ ហើយនៅជាន់ទី២នៃសណ្ឋាគារនេះ គេបានរៀបចំនារីស្អាតៗទាំងខ្មែរ និងជនជាតិវៀតណាម អង្គុយក្នុងកញ្ចក់ ក្នុងរូបភាពទទួលសេវាកម្មម៉ាស្សា ប៉ុន្ដែទីតាំងនេះលួចបង្កប់នូវសេវាបម្រើផ្លូវភេទ ។
បុរសៗទាំងនោះបានបញ្ជាក់ថា តម្លៃសេវាម៉ាស្សា១០ដុល្លារ ប៉ុន្ដែបើចង់ភ្លក់ម្ហូបប្លែករឿងសេវាផ្លូវភេទនោះ បើទោះជាមិនបានគិតនៅក្នុងវិក្កយបត្រ ប៉ុន្ដែអ្នកគ្រប់គ្រងតម្រូវឱ្យនារីៗទាំងនោះកំណត់តម្លៃដោយខ្លួនឯង ជាមួយនឹងបុរសដែលទៅឡើងឋានសួគ៌ក្នុងតម្លៃពី៣០ដល់៥០ ដុល្លារ ក្នុងនោះសម្រាប់ភ្ញៀវបុរសៗភាគ ច្រើនជាជនជាតិបរទេសច្រើនជាងបុរសជនជាតិខ្មែរ ។
ពាក់ព័ន្ធនឹងសណ្ឋាគារឡាក់ស្ទ័រ រីវើល មានបង្កប់សេវាផ្លូវភេទ លោកសុខ សម្បត្ដិ អភិបាលនៃគណៈអភិបាលខណ្ឌ ដូនពេញ បានឱ្យនគរវត្ដដឹងថា លោក ទទួលស្គាល់ថា សណ្ឋាគារនេះកន្លងទៅ ធ្លាប់មានបញ្ហាអានាចារ ហើយលោក បានចុះទៅម្ដងរួចមកហើយបានបិទ និង តម្រូវឱ្យធ្វើកិច្ចសន្យា ប៉ុន្ដែបើមានករណី បម្រើសេវាផ្លូវភេទមែន លោកនឹងចាត់ ឱ្យមន្ដ្រីចុះទៅពិនិត្យដោយផ្ទាល់ ។
លោកកែវ ធា ប្រធានការិយាល័យប្រឆាំងការជួញដូរមនុស្ស និងការពារអនីតិជននៃស្នងការដ្ឋាននគរបាលរាជ ធានីភ្នំពេញ បានឱ្យដឹងដែរថា កន្លង ទៅលោកបានឱ្យមន្ដ្រីចុះទៅជាមួយនឹងខណ្ឌដូនពេញក្នុងការឱ្យម្ចាស់ សណ្ឋាគារឡាក់ស្ទ័ររីវើល ធ្វើកិច្ចសន្យារឿងជួញដូរ ផ្លូវភេទនេះ ។ ប៉ុន្ដែមួយរយៈនេះ លោក មិនបានដឹងថាមានបើកសេវាផ្លូវភេទ ដូច្នេះនឹងចាត់ឱ្យមន្ដ្រីចុះពិនិត្យម្ដងទៀត។
ប្រភពខ្លះបានធ្លោយឱ្យដឹងថា អាជ្ញាធរនិងសមត្ថកិច្ចពាក់ព័ន្ធអាចដឹងថា ទីនេះជាទីតាំងសំបុកបម្រើផ្លូវភេទ ប៉ុន្ដែ ឮថា មានអ្នកធំ១រូបនៅពីក្រោយខ្នង ទើបមិនហ៊ានប៉ះពាល់ ។ ដូច្នេះអ្នកធំរូបណាដែលចូលចិត្ដមកប្រឡូកប្រឡាក់នឹងបទល្មើស ព្រហ្មទណ្ឌ ដែលរដ្ឋាភិបាល ហាមឃាត់នោះ? ៕
