ពលរដ្ឋទាំងនោះដែលមានបុរសពិការស្ត្រីមានជំងឺ ស្ត្រីបំបៅកូនខ្ចីស្ត្រីជាប់កូនតូច និងខ្លះយំ ផងនោះ បានប្រាប់គេហទំព័រ CEN ព្រឹកថ្ងៃទី៣កក្កដាថា៧ឆ្នាំហើយដែលដីសម្បទានសង្គមកិច្ចដែលខេត្ត ស្រុកប្រគល់ជូនទំហំ ១១៤,៥៨ហិកតា នៅក្តិបថ្មនោះពុំបានធ្លាក់ដល់ដៃ ពលរដ្ឋក្រីក្ររកព្រឹកខ្វះល្ងាចនោះទេ។
ថ្នាក់ដឹកនាំ ខេត្តបន្ទាយមានជ័យ តាំងពីលោក អ៊ុង អឿន អភិបាលខេត្ត, លោកឧញ្ញ៉ា ហ៊ីម ភាន់សុផល ,លោក រៀម សារីន អភិបាលរងខេត្ត រហូតអភិបាល អភិបាលរង ស្រុកថ្មពួក ,មេឃុំ គោករមៀត ,លោកឈឹប ប៊ុននី អធិការនៃក្រុមអធិការកិច្ច បានធ្វើការករណីនេះ ដើម្បីជំរុញ អោយបានដីសម្បទាន សង្គមកិច្ច ជូនពលរដ្ឋប៉ុន្តែនៅតែពុំបាន។
រឿងនេះ១ចំណែកធំបានធ្លាក់ទៅតុលាការដែលនាំអោយមានការចេញដីកាកោះ ហៅចូលបំភ្លឺ នូវតំណាងពលរដ្ឋគឺលោកប៊ុត ជ្រឹង ភេទ ប្រុស នៅភូមិក្តិបថ្ម និងអ្នកពាក់ព័ន្ធខ្លះទៀតពាក់ព័ន្ធរឿងប៉ះពាល់កម្មសិទ្ធឯកជនជាដើម។
ទំនាស់នេះស្រួចស្រាវហើយ ពលរដ្ឋបានទៅតវ៉ាដល់មុខរដ្ឋសភាភ្នំពេញ ១លើកនិងតវ៉ានៅមុខសាលាខេត្តបន្ទាយមានជ័យ ២លើកហើយ។
លោក រៀម សារិន អភិបាលរងខេត្តបន្ទាយមានជ័យ ទទួលបន្ទុកដោះស្រាយវិវាទដីធ្លីនិយាយប្រាប់ គេហទំព័រ CENថ្ងៃទី ៣កក្តដា ថារឿងនេះបើមានតុលាការលូកដៃនិងជាប់ក្នុងសំនុំរឿងទៅហើយផងមានតែ បងប្អូនតវ៉ាដែរអោយតុលាជួយព្រោះអាជ្ញាធរដែនដី មិនហ៊ានលូកដៃជ្រៀតជ្រែក ស្ថាប័ននោះទេ។ ត្បិតអាជ្ញាធរដែនដែបានចេញដីកាប្រគល់ដីសម្បទានសង្គមកិច្ចនោះជូន បងប្អូនហើយ តែនៅស្ទះខាងតុលាការទៅវិញ៕
