ដាក់ច្រវ៉ាក់ជើង ម្ខាងជាប់ និងសសរផ្ទះ ព្រោះភ័យខ្លាចនាងរត់ចេញពីផ្ទះ ។ នាងក្រមុំ
|
ដែលត្រូវឪពុកម្ដាយ ចាប់ឃុំខ្លួនមានឈ្មោះ ស្រី ធំ អាយុ១៥ឆ្នាំ រស់នៅក្នុងភូមិប្រជាធម្មលិច សង្កាត់ប៉ោយប៉ែត
ក្រុងប៉ោយប៉ែត ខេត្តបន្ទាយមានជ័យ ។
ស្រី ធំបានប្រាប់អ្នកយកព័ត៌មានវិទ្យាសាស្ត្រខ្មែរ ទាំងភ្នែកហូរហាម កាលពីថ្ងៃទី២៩ ខែមិថុនាឆ្នាំ ២០១២ ថា
នាងមិនចង់រស់នៅ ជាមួយ ឪពុក ម្ដាយ របស់នាងទេ ព្រោះខ្លាចពួកគាត់វាយធ្វើបាប នាងបន្តថា ឪពុកម្ដាយរបស់
នាង បានបង្ខំឲ្យនាងដេកជាមួយ ជនជាតិបារាំង និងជនជាតិថៃ តាំងតែពីរូបនាង មានអាយុ១៣ ឆ្នាំមកម្ល៉េះ ហើយ
ចាប់ តាំងពីពេលនោះមក នាងត្រូវបង្ខំចិត្ត ទៅរកស៊ីបម្រើផ្លូវភេទ នៅក្នុង ស្រុកអរញ ខេត្តស្រះកែវ ប្រទេសថៃ រហូតដល់វ័យ១៥ឆ្នាំនេះ ដើម្បីយកលុយមកឲ្យឪពុកម្ដាយ ដោយគ្មានទុក មួយរៀល នៅនិងខ្លួនឡើយ ។
មិនតែប៉ុណ្ណោះ ម្ដាយរបស់នាងតែងតែង ជេរស្ដីនាងមិនឈប់ឈរ សូម្បីតែសុំលុយបន្តិចបន្តួច ទិញអីហូប ក៏ត្រូវ
ម្ដាយ នាងជេរស្ដី និងវ៉ៃទៀតផង ធ្វើឲ្យនាងទ្រាំមិនបាន ហើយលែងចង់ធ្វើ ជាស្រី បម្រើផ្លូវភេទ ទៀតហើយ ទើបសម្រេចចិត្ត រត់ចេញពីផ្ទះ តែឥឡូវត្រូវពួកគាត់តាមទាន់ ចាប់មកផ្ទះវិញដាក់ច្រវ៉ាក់ទៀត ។ ស្រី ធំ បានលើកដៃ សំពះអង្វរអ្នកសារព័ត៌មាន សុំឲ្យជួយនាងផង នាងសុំឲ្យក្រុមអង្គការសិទ្ធិមនុស្ស ជួយមករំដោះ នាងចេញពីរណ្ដៅ នរកនេះផងបើ មិនដូច្នេះទេ នាងប្រាកដជាស្លាប់មិនខាន ។
ជុំវិញបញ្ហាខាងលើ លោក នុត មឿន និងអ្នកស្រីហែម សំអូន ដែលត្រូវជាអាណាព្យាបាល ស្ត្រីរងគ្រោះ បានបំភ្លឺ
ថា កូនរបស់គាត់មិនស្ដាប់ បង្គាប់ណែនាំមិនស្ដាប់ ហើយលួចរត់ចេញពីផ្ទះចំនួន៨ដង ហើយ បើមិនចាប់នាងឃុំទេ
គេនិងរត់លើកទី៩ គឺស្មើនិងបាត់សូន្យ តែម្តងមិនអាចរកឃើញវិញឡើយ ។
អង្គការចំនួនពីរ គឺអង្គការការពារសិទ្ធិមនុស្ស អាដហុក និងអង្គការជួយស្ត្រីមានវិបត្តិ កំពុងតែធ្វើការ ដុតដៃដុត
ជើង សហការជាមួយសមត្ថកិច្ច ដើម្បីជួយនាងរងគ្រោះ ឲ្យបានចេញមកក្រៅ ហើយទទួលនាង ឲ្យចូលទៅក្នុង
មណ្ឌលសុវត្ថិភាព ។
លោក ស៊ុំ ចាន់គា អ្នកសម្របសម្រួល អង្គការអាដហុកខេត្តបន្ទាយមានជ័យមាន បានឲ្យដឹងថា ករណីខាងលើ
ជា អំពើរំលោភសិទ្ធិ មនុស្សយ៉ាង ធ្ងន់ធ្ងរបំផុត គឺមិនស្មើនិងសត្វឆ្កែមួយក្បាលផង ដែលម្ចាស់ ឲ្យរស់នៅក្នុងផ្ទះ ដោយមានសេរីភាព លោកបន្តថា អង្គការរបស់លោក និងធ្វើការចុះអង្កេតដោយផ្ទាល់ ហើយធ្វើលិខិតអន្តរាគមន៏ ទៅប៉ូលិសប្រឆាំងការជួញដូរ ដើម្បីជួយស្ត្រីរងគ្រោះឲ្យមានសេរីភាពឡើងវិញ ។
សូមរំលឹកថា នេះជាលើទីពីរហើយ ដែលអាណាព្យាបាល ចាប់កូនរបស់ខ្លួន ដាក់ច្រវ៉ាក់ ករណី ទីមួយកើតឡើង
នៅក្នុងខេត្តបាត់ដំបង ជនរងគ្រោះ ជាកុមារ ចំណែកករណីទីពីរ គឺកើតឡើង នៅក្រុងប៉ោយប៉ែត តែម្ដងជនរងគ្រោះ
ជាក្មេងស្រីវ័យ ១៥ឆ្នាំ ៕
