ភ្នំពេញ ៖
មានហេតុការណ៍ភ្ញាក់ផ្អើលមួយបានកើតឡើងនៅក្នុងក្រុមទី៧
សង្កាត់ព្រែកប្រា ខណ្ឌមានជ័យ
ដោយមានបុរសជនជាតិខ្មែរអ៊ិស្លាមម្នាក់បានចង.កស្លាប់ខ្លួននៅ
ក្នុងផ្ទះដោយមិនដឹងមូលហេតុ ។
ហេតុការណ៍នេះកើតឡើងកាលពីវេលាម៉ោង១១ព្រឹកថ្ងៃទី៦ ខែកក្កដា
ឆ្នាំ២០១២ ។ ជនរងគ្រោះដែលសម្លាប់ខ្លួនឈ្មោះ សាលីង
អាយុ៣២ឆ្នាំ មានប្រពន្ធឈ្មោះ សុខ សារ៉ស់
មុខរបរដើរទិញ-លក់អេតចាយ មានកូន៣នាក់ក្នុងបន្ទុក ស្រី២នាក់
ប្រុស១ រស់នៅទីតាំងកើតហេតុខាងលើ ។តាមប្រភពព័ត៌មានពីស្ដ្រីជា ប្រពន្ធបានឱ្យដឹងថា មុនពេលកើតហេតុពួកគាត់បានដើរទិញ-លក់អេតចាយជាធម្មតា ដោយមិនមានបញ្ហាឈ្លោះប្រកែកគ្នាណាមួយឡើយ ហើយនៅថ្ងៃកើតហេតុគាត់(ប្រពន្ធ)បានឱ្យប្ដីមកផ្ទះមុន ដោយគាត់នៅលក់អេតចាយឱ្យអស់សិន ។ លុះពេលគាត់លក់អេតចាយអស់ហើយគាត់បានត្រឡប់មកផ្ទះ ពេលមកដល់ស្រាប់តែឃើញប្ដីរបស់គាត់បានចង.កទៅនឹងធ្នឹមក្នុង បន្ទប់ដោយប្រើខ្សែអង្រឹងស្លាប់បាត់ទៅហើយ ទើបបង្កឱ្យមានការភ្ញាក់ផ្អើលកើតឡើងតែម្ដង ។
ស្ដ្រីជាប្រពន្ធឱ្យដឹងទៀតថា ពួកគាត់ទាំង២នាក់បានបែកគ្នាអស់ជាច្រើនឆ្នាំមកហើយ ប៉ុន្ដែពួកគាត់បានជួបជុំគ្នាវិញ ដោយមានចាស់ទុំមកសម្របសម្រួលទើបតែបាន៣-៤ខែប៉ុណ្ណោះ ហើយក្នុងរយៈពេល៣-៤នេះពួកគាត់មិនដែល មានទំនាស់នឹងគ្នាទេ មិនដឹងមូលហេតុអ្វីពេលនេះគាត់សម្រេចចិត្ដចង.កសម្លាប់ខ្លួនបែប នេះ ។
តាមព័ត៌មានពីសមត្ថកិច្ចដែលបាន ចុះធ្វើកោសលវិច័យបានឱ្យដឹងថា ជនរងគ្រោះពិតជាបានចង.កសម្លាប់ខ្លួនពិត ប្រាកដមែន ។ ព័ត៌មានលំអិតសូមរង់ចាំអានកាសែត នគរវត្ដ ៕
