សហរដ្ឋអាមេរិកបានសម្តែងការព្រួយបារម្ភខ្លាំងថា
រដ្ឋាភិបាលស៊ីរីកំពុងរៀបចំផែនការសម្លាប់រង្គាលជាថ្មី
ខណៈដែលឧទ្ធម្ភាគចក្រយោធាជាច្រើនគ្រឿងរបស់របបស៊ីរីនេះ
បានបាញ់ទៅលើបណ្តាទីក្រុងរឹងមាំទាំងឡាយរបស់ក្រុមឧទ្ទាមហើយ
អំពើហិង្សាដ៏បង្ហូរឈាមនេះ
បានសម្លាប់មនុស្សជិត៩០នាក់កាលពីថ្ងៃចន្ទ។
អង្គការសិទ្ធិមនុស្សស៊ីរី“Observatory” បាននិយាយថាអំពើហិង្សានៅទូទាំងប្រទេសស៊ីរីបានសម្លាប់មនុស្ស យ៉ាងតិចណាស់ចំនួន៨៧នាក់កាលពីថ្ងៃចន្ទដែលនាំអោយមានចំនួន មនុស្សសរុបជាង១៤.១០០នាក់ត្រូវបានសម្លាប់ចាប់តាំងពីការងើបបះបោរ ប្រឆាំងរបបនេះកាលពីខែមីនាឆ្នាំ២០១១មក។
ឧទ្ធម្ភាគចក្រយោធាជាច្រើនគ្រឿងរបស់រដ្ឋាភិបាលស៊ីរី បានវាយប្រហារទៅលើទីតាំងនានារបស់ក្រុមឧទ្ទាមនៅទីក្រុងAl-Heffa និងបានវាយប្រហារផងដែរទៅលើតំបន់Rastanដែលជាទីតាំងរឹងមាំរបស់ ក្រុមអ្នកប្រឆាំងរបបស៊ីរីនេះនៅក្នុងខេត្តHoms ។
សកម្មជនម្នាក់បាននិយាយប្រាប់ទីភ្នាក់ងារសារព័ត៌មានAFP ថា រថក្រោះជាច្រើនគ្រឿងរបស់កងទ័ពរដ្ឋាភិបាល បានស្ថិតនៅក្បែរៗទីក្រុងAl-Heffa ហើយប្រជាជនជិត៣០.០០០នាក់បានរត់ចេញពីទីក្រុងនេះទៅកាន់តំបន់ជនបទ នៅភាគពាយព្យនៅជិតព្រំដែននៃប្រទេសតួកគី។
សេចក្តីរាយការណ៍បែបនេះបាននាំអោយរដ្ឋាភិបាលក្រុងវ៉ាស៊ីនតោនមាន ការព្រួយបារម្ភខ្លាំងថារបបស៊ីរីនេះកំពុងរៀបចំផែនការដើម្បី ប្រព្រឹត្តអំពើឃោរឃៅជាថ្មី បន្ទាប់ពីមានការសម្លាប់មនុស្សរង្គាលចំនួន៥៥នាក់កាលពីសប្តាហ៍មុន នៅក្នុងភូមិAl-Kubeir និងមនុស្សយ៉ាងតិចណាស់ចំនួន១០៨នាក់ត្រូវបានសម្លាប់នៅភូមិHoula ក្នុងទីក្រុងHoms កាលពីថ្ងៃទី២៥-២៦ខែឧសភាព៕
អង្គការសិទ្ធិមនុស្សស៊ីរី“Observatory” បាននិយាយថាអំពើហិង្សានៅទូទាំងប្រទេសស៊ីរីបានសម្លាប់មនុស្ស យ៉ាងតិចណាស់ចំនួន៨៧នាក់កាលពីថ្ងៃចន្ទដែលនាំអោយមានចំនួន មនុស្សសរុបជាង១៤.១០០នាក់ត្រូវបានសម្លាប់ចាប់តាំងពីការងើបបះបោរ ប្រឆាំងរបបនេះកាលពីខែមីនាឆ្នាំ២០១១មក។
ឧទ្ធម្ភាគចក្រយោធាជាច្រើនគ្រឿងរបស់រដ្ឋាភិបាលស៊ីរី បានវាយប្រហារទៅលើទីតាំងនានារបស់ក្រុមឧទ្ទាមនៅទីក្រុងAl-Heffa និងបានវាយប្រហារផងដែរទៅលើតំបន់Rastanដែលជាទីតាំងរឹងមាំរបស់ ក្រុមអ្នកប្រឆាំងរបបស៊ីរីនេះនៅក្នុងខេត្តHoms ។
សកម្មជនម្នាក់បាននិយាយប្រាប់ទីភ្នាក់ងារសារព័ត៌មានAFP ថា រថក្រោះជាច្រើនគ្រឿងរបស់កងទ័ពរដ្ឋាភិបាល បានស្ថិតនៅក្បែរៗទីក្រុងAl-Heffa ហើយប្រជាជនជិត៣០.០០០នាក់បានរត់ចេញពីទីក្រុងនេះទៅកាន់តំបន់ជនបទ នៅភាគពាយព្យនៅជិតព្រំដែននៃប្រទេសតួកគី។
សេចក្តីរាយការណ៍បែបនេះបាននាំអោយរដ្ឋាភិបាលក្រុងវ៉ាស៊ីនតោនមាន ការព្រួយបារម្ភខ្លាំងថារបបស៊ីរីនេះកំពុងរៀបចំផែនការដើម្បី ប្រព្រឹត្តអំពើឃោរឃៅជាថ្មី បន្ទាប់ពីមានការសម្លាប់មនុស្សរង្គាលចំនួន៥៥នាក់កាលពីសប្តាហ៍មុន នៅក្នុងភូមិAl-Kubeir និងមនុស្សយ៉ាងតិចណាស់ចំនួន១០៨នាក់ត្រូវបានសម្លាប់នៅភូមិHoula ក្នុងទីក្រុងHoms កាលពីថ្ងៃទី២៥-២៦ខែឧសភាព៕
