សហរដ្ឋអាមេរិកបាននិយាយថាការសំរេចចិត្តនេះកត់សម្គាល់របត់សំខាន់ មួយសំរាប់ស៊ីរីនិងថាខ្លួនបានពិភាក្សាជាមួយសម្ពន្ធមិត្តដើម្បី រកផ្លូវទៅមុខសំរាប់"អន្តរកាលនយោបាយ"មួយដូចបានកំណត់ដោយ សេចក្តីសំរេចចិត្តរបស់ក្រុមប្រឹក្សាសន្តិសុខអង្គការសហប្រជាជាតិ។
ពួកអ្នកសង្កេតការណ៍ដែលគ្មានកាន់អាវុធបានក្លាយជាគោលដៅ វាយប្រហារស្ទើររាល់ថ្ងៃចាប់តាំងពីការដាក់ពង្រាយពួកគេកាលពី ពាក់កណ្តាលខែមេសាមកដើម្បីត្រួតមើលបទឈប់បាញ់ដែលគាំទ្រដោយ សហប្រជាជាតិតែត្រូវបានបំពានជាទូទៅនេះ។
ក្រុមប្រឹក្សាជាតិស៊ីរីដែលជាក្រុមប្រឆាំងក្នុងពេលជាមួយគ្នាបាន ព្រមានអំពីការសម្លាប់រង្គាលក្នុងពេលឆាប់ៗនៅទីក្រុងហូមដែលកំពុង ស្ថិតក្រោមការឡោមព័ទ្ធពីទាហាននិងពួកជីវពលប្រមាណ៣០.០០០នាក់។ សមាជិកក្រុមនេះម្នាក់បានអំពាវនាវអោយអង្គការសហប្រជាជាតិ បញ្ជូនទាហានថែរក្សាសន្តិភាពមកកាន់ស៊ីរីក្នុងបេសកកម្មមួយដែលមាន បុគ្គលិកច្រើនជាងមុន៕
