សិង្ហបុរី ៖ បុរសម្នាក់ប៉ុនប៉ងសំលាប់ខ្លួន ត្រូវបានកូនប្រុសអាយុ ១០ឆ្នាំ ជួយសង្គ្រោះ
កាលពីរសៀលម្សិលមិញនេះ។
បើតាមរបាយការណ៍ចេញ កាលពីថ្ងៃព្រហស្បត្ត៏បានអោយដឹងថា បុរសនោះមានឈ្មោះ Chan
មានវ័យ ៤០ឆ្នាំ បានប៉ុនប៉ងសំលាប់ខ្លួនឯងដោយ បានដុតនូវសារធាតុពុល និងបំពុលខ្លួនឯង
អោយស្លាប់ ខណៈពេលដែលគាត់នៅផ្ទះតែឯង។
ពេលនោះ កូនប្រុសរបស់គាត់ដែលទើបតែមកដល់ផ្ទះ ក្រោយពីបានទៅលេងនៅខាងក្រៅ
បានឃើញហេតុការណ៍ដូច្នេះ ក៏ទូរស័ព្ទទៅភ្នាក់ងារប៉ូលីសដើម្បីមកធ្វើការជួយសង្រ្គោះ។
លើសពីនេះ តាមសាក្សីបានបញ្ជាក់អោយដឹងថា គ្រួសាររបស់គាត់បានផ្លាស់ប្តូរទីលំនៅ
មកនៅទីនេះកាលពី ២ឆ្នាំមុន។
រូបភាព ស្តាំ៖ ក្មេងប្រុសនោះនិងអ្នកជិតខាង ឆ្វេង៖ ប៉ូលីសនៅកន្លែងកើតហេតុ
រឿងហេតុនេះកើតឡើងបានយ៉ាងដូចម្តេច៖ ដំបូងក្មេងប្រុសនោះបានត្រលប់មកផ្ទះវិញ
បន្ទាប់ពីបានទៅលេងនៅខាងក្រៅ ក៏បានឃើញទ្វារ នឹងបង្អួចបានបិទជិត និងមានបិទ
ពាក្យផ្តាំផ្ញើ ។ ក្មេងប្រុសនោះព្យាយាមហៅឪពុកដែលនៅខាងក្នុងតែពុំមានការឆ្លើយតប
ហើយបន្ទាប់មក ក៏មានក្លិនចំឡែកភាយចេញមក រំពេចនោះគេបាន call ហៅប៉ូលីស និង
អ្នកជិតខាង។
ភ្លាមៗនោះ ក្រុមមន្រ្តីប៉ូលីសបានមកដល់ ហើយក៏បានទំលុះទ្វារចូលទៅក្នុងផ្ទះ ហើយក៏
បានដឹងដែរថា បុរសនោះពិតជាធ្វើអត្តឃាតមែន ដោយគាត់បានដុតសារធាតុពុល បំពុល
ខ្លួនគាត់នៅក្នុងផ្ទះ។ បើយោងតាមសម្តីរបស់ប្រពន្ធគាត់ បាននិយាយថា៖ ខ្ញុំពិតជាមានការ
ងឿយឆ្ងល់ណាស់ ទៅនឹងទង្វើដែលគាត់បានធ្វើនេះ ហើយក៏មិនដឹងថា មូលហេតុអ្វីបាន
ជាគាត់សំរេចចិត្តធ្វើអត្តឃាតបែបនេះ។
ក្រុមមន្ត្រីប៉ូលីសក៏បានបញ្ជាក់ដែរថា បុរសនេះនឹងត្រូវឃាត់ខ្លួនជាបណ្តោះអាសន្ន ហើយ
ករណ៏អត្តឃាតនេះកំពុងធ្វើការស៊ីបអង្កេត៕
