ដកអភ័យឯកសិទ្ធិនាយករដ្ឋមន្ដ្រីប៉ាគិស្ថាន ដោយសារ ចំអកអោយតុលាការ

តុលាការកំពូលរបស់ប៉ាគិស្ថាន កាលពីម្សិលមិញ បានដកហូតអភ័យឯកសិទ្ធិនាយករដ្ឋមន្ដ្រី
Yusuf Raza Gilani បន្ទាប់ពីលោកមិនបានប្ដឹងជំទាស់ចំពោះចោទប្រកាន់ថា បានចំអកអោយ
តុលាការ កាលពី ២ខែកន្លង។

កាលពីខែមេសា តុលាការមួយនៅ ប៉ាគិស្ថាន បានចោទប្រកាន់លោក Gilani ដោយសារតែបាន
បដិសេធការស្នើរបស់តុលាការ ក្នុងការស្នើសុំអោយប្រទេសស្វីស ធ្វើការបើកកកាយឡើងវិញ
នូវរឿងស៊ីសំណូកប្រឆាំងនឹងប្រធានាធិបតិ Asif Ali Zardari។

នាយករដ្ឋមន្ដ្រី Yusuf Raza Gilani របស់ប៉ាគិស្ថាន ត្រូវដកហូតអភ័យឯកសិទ្ធិ

ជាក់ស្ដែង លោក Gilani ​ត្រូវបានចោទប្រកាន់ថាបានចំអកអោយក្រសួងយុត្តិធម៌កាលពីថ្ងៃទី ២៦
ខែមេសា។ ដូច្នេះ លោកក៏ត្រូវបានគេដកហូតអភ័យឯកសិទ្ធិសភា។ តុលាការកំពូលក៏បានស្នើ
អោយប្រធានាធិបតិ Zardari ធ្វើការតែងតាំងនាយករដ្ឋមន្ដ្រីថ្មីផងដែរ។

នេះគឺជាការសម្រេចលើកទីពីររបស់តុលាការ ចំពោះលោក Gilani ក្នុងរយៈពេលជិត ២ខែកន្លង
មកនេះ។

ក្រុមអ្នកសង្កេតការណ៍យល់ឃើញថា ការសម្រេចរបស់តុលាការខាងលើនេះ អាចរុញច្រាន
ប្រទេសប៉ាគិស្ថានអោយធ្លាក់ទៅក្នុងវិបត្តិនយោបាយ ខណៈដែលប្រទេសនេះកំពុងជួបប្រទះ
ឧបសគ្គជាច្រើន ដូចជាបញ្ហាសន្ដិសុខ សេដ្ឋកិច្ច ភាពគ្មានការងារធ្វើជាដើម។

នៅចំពោះមុខការសម្រេចរបស់តុលាការ ប្រធានាធិបតិ ប៉ាគិស្ថាន លោក Zardari ក៏បានកោះ
ប្រជុំបន្ទាន់មួយដើម្បីពិនិត្យទៅលើប្រការអ្វីខ្លះដែលត្រូវធ្វើ និងបញ្ហាអ្វីខ្លះដែលនឹងអាចកើតមាន
ឡើង បន្ទាប់ពីលោក Gilani ​ត្រូវបានដកហូតពីតំណែង៕