បន្ទាប់ពីតម្កល់នៅក្នុងផ្ទះអស់រយៈ
កាលជិតពីរថ្ងៃមក សពលោកតា យស សាត ដែលជាវីរសិល្បករ
ផ្នែកចម្រៀងអាយ៉ៃ និងចាប៉ីដងវែង ត្រូវបានដង្ហែយកទៅបូជា
ហើយនៅវេលាម៉ោង២ និង ៣០នាទីរសៀលថ្ងៃចន្ទនេះ
ឆ្ពោះទៅសង្កាត់ទូលសង្កែរ ខណ្ឌឫស្សីកែវ។
នៅក្នុងពិធីដង្ហែសពនោះដែរ មានតែក្រុមគ្រួសារ និងកូនចៅ
និងមានសិល្បករ សិល្បការិនីចូលរួមពីរបីនាក់ប៉ុណ្ណោះ
ដែលធ្លាប់ធ្វើការជាមួយលោកតា។ថ្លែងស្រដៀងគ្នានេះ អ្នកស្រី អ៊ុក សុផា ជាសិល្បការិនី ប្រចាំនៅវិទ្យុជាតិ និងជាទីប្រឹក្សាក្រសួងព័ត៌មាន បានឲ្យក្រុមការងារSabay ដឹងទាំងអួលដើមករថា ” ខ្ញុំរួមអាជីពជាមួយគាត់ តាំងពីឆ្នាំ១៩៧៩ មកម្ល៉េះ… ខ្ញុំមានការសោកស្ដាយរកអ្វីប្រៀបផ្ទឹមមិនបាន…(ស្រក់ទឹកភ្នែក )…”។
អ្នកចម្រៀងអាយ៉ៃ និងចាប៉ីដងវែង លោកតា យស សាត បានទទួលអនិច្ចកម្មកាលពីម៉ោងប្រមាណជា៥ព្រឹកថ្ងៃអាទិត្យ ម្សិលមិញនៅគេហដ្ឋានរបស់លោកតាខាងក្រោយសណ្ឋាគារភ្នំពេញ ដោយសារជំងឺរ៉ាំរ៉ៃ៕(sabay)
