 |
| អ្នកវិភាគឯករាជ្យខ្មែរអាមេរិកាំងពីររូប គឺលោក យ័ប គឹម ទឹង (កណ្តាល) និង លោក គុជ ចាន់លី (ស្តាំ) ចូលរួមពិភាក្សានៅក្នុងកម្មវិធីហេឡូវីអូអេ កាលពីរាត្រីថ្ងៃព្រហស្បតិ៍នៅក្នុងស្ទូឌីយោវីអូអេក្នុងរដ្ឋធានី វ៉ាស៊ីនតោន។ (អ៊ឹម សុធារិទ្ធ ០៨ វិច្ឆិកា ២០១២ |
ថ្លែងក្នុងកម្មវិធីហេឡូវីអូអេកាលពីថ្ងៃព្រហស្បតិ៍ លោក គុជ ចាន់លី បានអះអាង ថា មានបញ្ហាបន្ទាន់ៗដែលលោកអូបាម៉ាត្រូវស្តារប្រទេស គឺពង្រឹងសេដ្ឋកិច្ចពង្រឹងឯកភាពនយោបាយផ្ទៃក្នុងនិងទំនាក់ទំនងល្អ ជាអន្តរជាតិ។
«ដូច្នេះប្រធានាធិបតី បារ៉ាក់ អូបាម៉ា ត្រូវធ្វើភ្លាមៗក្រោយពីការជាប់ឆ្នោតនោះ គឺ ទីមួយ រកការងារឲ្យប្រជាពលរដ្ឋអាមេរិកាំងធ្វើពីព្រោះបញ្ហាការងារសព្វថ្ងៃ នេះ ធ្ងន់ធ្ងរណាស់នៅស្រុកអាមេរិក។ បញ្ហាទីពីរដែលគាត់ត្រូវធ្វើគឺបន្ថយប្រាក់ ជំពាក់គឺដោះស្រាយបញ្ហាលុយកាក់ជំពាក់ដែលអាមេរិកាំងបានខ្ចីយកមក ប្រើនេះ»។
លោកថ្លែងថា លោកអូបាម៉ាបានសម្របសម្រួលជាមួយប្រធានសភាអាមេរិកខាងគណបក្ស សាធារណរដ្ឋតាមរយៈទូរស័ព្ទដើម្បីធ្វើការរួមរួមគ្នាបម្រើផលប្រយោជន៍ ប្រទេស ដើម្បីធ្វើយ៉ាងណាមិនឲ្យជាប់គាំងនៅសភាចំពោះច្បាប់នានាដែលគណបក្ស ទាំងពីរនឹងពិភាក្សាអនុម័តនៅពេលខាងមុខ។
លោក យ័ប គឹម ទឹង អ្នកវិភាគឯករាជ្យមួយរូបទៀតបានអះអាងថា ពលរដ្ឋអាមេរិកាំងបោះឆ្នោតឲ្យលោកអូបាម៉ាជាប់ជាប្រធានាធិបតីមែនក៏ ប៉ុន្តែពេលឡើងកាន់អំណាចមិនអាចប្រើប្រាស់អំណាចនោះធ្វើអំពើ ផ្តាច់ការបានទេ។
«ពីព្រោះលោក បារ៉ាក់ អូបាម៉ា គាត់ឈ្នះខាងប្រធានាធិបតី តែខាងរដ្ឋសភាគណបក្សប្រជាធិបតេយ្យគាត់មិនសូវឈ្នះ ម្ល៉ោះហើយស្ថាប័នទាំងពីរធ្វើការ ផ្ទៀងផ្ទាត់គ្នាទៅវិញទៅមក។ មិនដូចស្រុកខ្មែរយើងនាយករដ្ឋមន្ត្រីហាមាត់ខ្វោក មក (និយាយអ្វី) អ្នកផ្សេងៗទៀតស្តាប់ទាំងអស់គ្នា អាហ្នឹងជាការណ៍មិនល្អមួយដែរ ពីព្រោះមានន័យថា មួយក្រុមមតិភាគច្រើន(ក្នុងសភា)នោះគេមិនចូលចិត្ត ហើយទប់ប្រធានាធិបតីមិនឲ្យធ្វើអ្វីផ្តេសផ្តាស»។
លោកចាន់លីបានអះអាងថា នយោបាយរបស់លោកអូបាម៉ាគឺកាត់បន្ថយការ ធ្វើសង្រ្គាមមកការដោះស្រាយដោយសន្តិវិធី និងរិតចំណងមិត្តភាព។
«នៅក្នុងគណបក្សប្រជាធិបតេយ្យ ជាពិសេសជំនាន់បារ៉ាក់ អូបាម៉ា គឺគាត់ដើរចងសម្ព័ន្ធភាព ហើយនឹងព្យាបាលរបួស ធ្វើទំនាក់ទំនងជាមួយបស្ចឹមប្រទេសផ្សេងៗ និងកំពុងតែដើរចាប់ដៃនឹងចងសម្ព័ន្ធភាពជាមួយប្រទេសតូចតាចនៅតំបន់ អាស៊ី តំបន់អាស៊ីអាគ្នេយ៍ជាដើម ដើម្បីរៀបចំជាសម្ព័ន្ធភាពឲ្យបានរ៉ឹងប៉ឹងក្នុងពិភពលោកនេះ»។
លោកអូបាម៉ាគ្រោងនឹងបំពេញទស្សនៈកិច្ចក្នុងប្រទេសកម្ពុជាដើម្បីចូល រួម ជាមួយមេដឹកនាំប្រទេសអាស៊ានដែលមានបញ្ហាស្មុគស្មាញច្រើនដោះស្រាយមិន រួច ជាពិសេសជម្លោះបូរណភាពដែនដីរវាងប្រទេសអាស៊ានមួយចំនួននិង មហាអំណាចចិន៕
