ស្ត្រីរងគ្រោះមានឈ្មោះ ញ៉ែម រដ្ឋា
ហៅបូរី អាយុ៣០ឆ្នាំ មុខរបរ
ជាំកម្មការិនីរោងចក្រកាត់ដេរមានប្ដីឈ្មោះ ឈិត កុសល អាយុ ២៩ឆ្នាំ
មានកូនប្រុសម្នាក់អាយុ៤ឆ្នាំដែលរស់នៅក្នុងបន្ទុកជាមួយយាយខ្លី
គឺជាផ្ទះជួលលេខ ៤១ ផ្លូវលេខ៣៥៣ សង្កាត់បឹងកក់១ ខណ្ឌទួលគោក
រាជធានីភ្នំពេញ។
នាយឃ្លោកជាតារាកំប្លែងនៅក្រុមជាមួយយាយខ្លីបានរៀបរាប់ថាក្នុង
យុទ្ធនាការឃោសនា បោះឆ្នោតក្រុមប្រឹក្សាឃុំសង្កាត់
យាយខ្លីបានចាកចេញពីភ្នំពេញ
ទៅខេត្តព្រៃវែងដើម្បីចូលរួមឃោសនានៅខេត្តនេះចំនួន១១ស្រុក
គឺក្រុមកំប្លែងនេះបានលេងគ្រប់១១យប់ដែរ នៅថ្ងៃទី១ ខែ មិថុនា
យាយខ្លី បានមកភ្នំពេញវិញ ដើម្បីចូលរួមឃោសនា ក្បួនធំថ្ងៃបង្កើយ
ប៉ុន្តែពេលមកដល់ភ្នំពេញវិញ ទើបយាយខ្លីដឹងថា
កូនស្រីពៅរបស់គាត់ស្លាប់បាត់ទៅហើយ
ពេលគឺការស្លាប់របស់ស្ត្រីឈ្មោះ ញ៉ែម រដ្ឋា ហៅបូរី នេះ បងប្អូននាង
និង ក្រុមគ្រួសារមិនដឹងនោះទេ
ពេលយាយខ្លីត្រឡប់ពីខេត្តព្រៃវែងវិញទើបដឹងថាសពដែលស្លាប់មុខ
ព្រះអង្គដងកើរជាកូនរបស់គាត់។ នាយឃ្លោកបាននិយាយថា
ស្ត្រីរងគ្រោះបានមានទំនាស់ជាមួយប្ដី
រួចក៏ចាកចេញពីផ្ទះនៅយប់ថ្ងៃទី២៥ ខែ ឧសភា រហូតដល់ម៉ោង២៦ ខែឧសភា
ទើបគេឃើញសពនាងនៅមុខព្រះអង្គដងកើរ។
ពេលនោះគ្មានអ្នកណាដឹងអត្តសញ្ញាណនោះទេ ហើយបុរសម្នាក់ជិះឡាន៤៧០
ឲ្យលុយគេ១០០ដុល្លារដើម្បីដឹកយកសពនារងគ្រោះមកបូជានៅវត្តឫស្សី
សាញ់ ក្នុងសង្កាត់ព្រៃស ខណ្ឌដង្កោ។ ដោយដឹងថា
គេយកសពកូនមកបូជានៅទីនោះ
ទើបយាយខ្លីនិងក្រុមគ្រួសាររួមទាំងមិត្តភក្ដិរួមអាជីព
មកធ្វើបុណ្យបញ្ជូនកុសលឲ្យសពនៅក្នុងបរិវេណវត្តនោះតែម្ដង៕
