ក្មេងរងគ្រោះឈ្មោះសន ទូច ភេទប្រុស អាយុ១៣ឆ្នាំ
ជាសិស្ស
ថ្នាក់ទី៥ នៃសាលាបឋមសិក្សាបុរីព្រៃជុំ
រស់នៅក្នុងភូមិ-ឃុំខាងលើជិះម៉ូតូម៉ាកវ៉េវ
ចំណែករថយន្តបង្កហេតុម៉ាក Starex ពណ៌បៃតង បើកបរដោយឈ្មោះសេង
សុគុណ ភេទប្រុស អាយុ៣៣ឆ្នាំ ស្នាក់នៅភូមិជើងភ្នំ
ឃុំត្រពាំងប្រីយ៍ ស្រុកអន្លង់វែង ។
សាក្សីនៅកន្លែងកើតហេតុបានឱ្យកោះសន្តិភាពដឹងថា
មុនពេលកើតហេតុគេឃើញម៉ូតូម៉ាកវ៉េវ មួយគ្រឿង
បើកបរដោយក្មេងប្រុសម្នាក់ តាមបណ្តោយផ្លូវជាតិលេខ៦៧បេ
ពីត្បូងទៅជើង។ ចំណែករថយន្តម៉ាក Starex ពណ៌បៃតង
ដឹកអ្នកដំណើរពេញបើកបញ្ច្រាសទិសគ្នាក្នុងល្បឿនលឿន
ខណៈមកដល់ចំណុចកើតហេតុម៉ូតូវ៉េវបានបត់ចូលសាលាជិតផុតទៅហើយ
ស្រាប់តែត្រូវរថយន្តនោះបុកពេញទំហឹង បណ្តាលឱ្យអ្នកបើក
និងម៉ូតូខ្ទាតប្រហែល៣០ម៉ែត្រ ស្លាប់ភ្លាមៗតែម្តង ។
ឯរថយន្តធ្លាក់ទៅក្នុងប្រឡាយខាងស្តាំដៃតែសំណាងល្អមិន
ក្រឡាប់ ចំណែកអ្នកបើកបររត់គេចខ្លួនបាត់ស្រមោល ។ ទោះជា យ៉ាងណា គ្រោះថ្នាក់នេះ ធ្វើឱ្យអ្នកដំណើរក្នុងរថយន្តនោះព្រលឹងចុងសក់មានអ្នកខ្លះ ចុះពីរថយន្តសន្លប់មួយចំនួនផង ៕
