បម្រុង វាយតែត្រូវអ្នកជិះក្នុងរថយន្តចុះមកជួយឃាត់ ទើបធ្វើឱ្យមានការផ្អើលឆោឡោដល់សមត្ថកិច្ចប៉ូលិស ចុះមកជួយអន្តរាគមន៍តែម្តង។
ហេតុការណ៍នេះបានកើតឡើងកាលពីវេលាម៉ោង៨
យប់ថ្ងៃទី១៦ តុលា នៅ
តាមមហាវិថីព្រះមុនីរ៉េត កែងផ្លូវលេខ៣៣៨
ក្នុងសង្កាត់ផ្សារដើមគ ខណ្ឌទួលគោក។ប្រភពព័ត៌មាននៅកន្លែង កើតហេតុបានឱ្យដឹងថា រថយន្ដម៉ាកទួរីស ពណ៌សំបកឪឡឹក ពាក់ស្លាកលេខ ភ្នំពេញ 2R-1060 មានអ្នករួមដំណើរជាមួយចំនួន៥នាក់ បើកបរតាមបណ្ដោយមហាវិថីព្រះមុនីរ៉េត ខណៈមកដល់ផ្លូវកែងលេខ៣៣៨ ស្រាប់តែមានរថយន្ដនីស្សាន់មួយគ្រឿង ពណ៌ស ពាក់ស្លាកលេខ ភ្នំពេញ 2Q-1881 មានអ្នកជិះក្នុងរថយន្ដចំនួន៤នាក់ បើកចេញមកឆ្លងកាត់ បណ្ដាលឱ្យកៀររថយន្ដម៉ាកទួរីសកូដថ្នាំមួយចំហៀង។
ប្រភពបានបន្តទៀតថា បន្ទាប់ពីបើកកៀរគ្នា
ហើយរថយន្ដទាំងពីរគ្រឿងនោះបានឈប់រៀងៗខ្លួន ចំណែកម្ចាស់រថយន្ដ
ទួរីសបានបើកទ្វារចុះទៅមើលរថយន្ដ
ស្រាប់តែតៃកុងរថយន្ដនីស្សាន់ដែលជាជនជាតិចិនបានចុះមកចាប់
ក្របួចកអាវអ្នកបើកបររថយន្ដទួរីសបម្រុងវាយ
ប៉ុន្ដែត្រូវអ្នកនៅក្នុងរថយន្ដទួរីសចេញមកឃាត់
ហើយក៏បានស្រែកឆោឡោផ្អើលមនុស្សមកចោមរោមនិងផ្អើលដល់ប៉ូលិស
ប៉ុស្ដិ៍ផ្សារដើមគ និងប៉ូលិសប៉ុស្ដិ៍ទួលស្វាយព្រៃទី១
ចុះមកជួយអន្ដរាគមន៍ទម្រាំតែភាគីខាងជនជាតិចិនព្រមសងប្រាក់
ចំនួន៦០ដុល្លារ ទៅភាគីតៃកុងរថយន្ដទួរីស ប្រើពេលជិត២ម៉ោង ។
បន្ទាប់ពីដោះស្រាយរួចរាល់ហើយ
អ្នកបើករថយន្តម៉ាកទួរីសបានបើកចេញទៅបានបន្តិច
ស្រាប់តែឃើញរថយន្តរបស់ជនជាតិចិនរូបនោះបានបើកតាមពីក្រោយរហូត
ដោយព្យាយាមបើកវ៉ា និងកៀរម្តងទៀត
ដើម្បីឱ្យអ្នកបើកបរទួរីសចុះមកបម្រុងនឹងវាយ
ប៉ុន្តែម្ចាស់រថយន្តទួរីសបើកទៅឈប់នៅចំណតរថយន្តដីក្រហម
ក្នុងផ្សារដើមគ រកគេឯងជួយ៕
