ប្រទះឃើញសព បុរសមិនស្គាល់ អត្តសញ្ញាណ ម្នាក់ អណ្តែតក្នុងទឹក ទន្លេ

ប្រជាពលរដ្ឋប្រទះឃើញសពបុរស មិនស្គាល់អត្តសញ្ញាណម្នាក់ ស្លៀកខោខូវប៊យ ពាក់អាវផ្កា វ័យជាង៣០ឆ្នាំ អណ្តែតនៅក្នុងទឹកទន្លេ ស្ថិតក្នុងសង្កាត់ស្រះចក ខណ្ឌដូនពេញ ម្តុំចំណតទូកទេស ចរណ៍ពិភពថ្មី នាព្រឹកថ្ងៃសៅរ៍ ទី១៨ ខែកុម្ភៈ ឆ្នាំ២០១២។
យោងតាមប្រភពពីប្រជាពលរដ្ឋបានឲ្យដឹងថា នៅវេលាម៉ោងប្រមាណ ជា ៧ និង១៥នាទីយប់ថ្ងៃទី១៧ ខែកុម្ភៈ គេបានឃើញបុរសជាជនរងគ្រោះបានជិះម៉ូតូឌុប ហើយបានដើរចុះទឹកនៅម្តុំកន្លែងកើតហេតុ តែមិនឃើញឡើងមកវិញនោះទេ។ លុះដល់ពេលព្រឹកឡើងស្រាប់តែប្រជាពលរដ្ឋនៅតំបន់នោះ ឃើញ
សពអណ្តែតទឹកបង្កជាការភ្ញាក់ផ្អើលតែម្តង។
ក្រោយពេលស្រង់មកដល់លើគោក សពត្រូវបានប្រគល់ឲ្យសមត្ថកិច្ចយកទៅតម្កល់ទុក រង់ចាំសាច់ ញាតិ ឬបងប្អូនណា ដែលមានបាត់សមាជិកគ្រួសារ ដែលមានភិនភាគដូចសពជនរងគ្រោះ ខាងលើមកពិនិត្យ និងទទួលយកទៅធ្វើបុណ្យតាមប្រពៃណី៕(DAPNEWS)