សូមបញ្ជាក់ថា
កុមារីខាងលើនេះមានសុខភាពមិនល្អដូចកុមារីឯទៀតឡើយ
ហើយក្រោយពីប្រទះឃើញ
អាជ្ញាធរក៏បានសម្រេចយកនាងទៅជួយព្យាបាលនៅមន្ទីរពេទ្យ
បង្អែកមានជ័យ ស្ថិតក្នុង
ខណ្ឌមានជ័យ ។
ពុំមានប្រភពព័ត៌មានលម្អិតថា កុមារីខាងលើនេះជាកូនចៅ
របស់អ្នកណាឡើយ តែមានការស្តីបន្ទោសថា
ទោះបីជាកុមារីនោះមានកាយសម្បទាមិនល្អបែបណាក៏ដោយ
ក៏មាតាបិតារបស់នាងមិនគួរដាច់ចិត្តយកនាងមកប្លុងចោលបែប
នេះ ។
មន្ត្រីសាលាសង្កាត់បឹងទំពុនមួយរូប
និយាយថា
ដំបូងឡើយអ្នកភូមិស្មានតែក្មេងស្រីខាងលើនេះវង្វេង
ផ្ទះក៏នាំនាងមកសួរនាំនៅស្នាក់ការសង្កាត់និងភូមិអស់
ជិតមួយព្រឹក
ប៉ុន្តែពុំឃើញមានឪពុកម្តាយមកសួរនាំក៏សន្មតថា
រូបនាងត្រូវជនមិនស្គាល់មុខយកមកប្លុងចោល
ព្រោះរូបនាងមានអាការខុសប្លែកពីកុមារឯទៀត ។
ក្រុមគ្រូពេទ្យនៅមន្ទីរពេទ្យបង្អែកមានជ័យនិយាយថា
ពេលនេះភារកិច្ចសំខាន់គឺជួយសង្គ្រោះជីវិតសិន
ហើយផ្តល់អាហារឱ្យនាងហូបឱ្យបានគ្រប់គ្រាន់មួយរយៈសិន
។
នៅរសៀលថ្ងៃដដែលនេះក្រុមគ្រូពេទ្យបានទាក់ទងទៅខាងអង្គការ
មិត្តសម្លាញ់ឱ្យមកទទួលយកកុមារីអភ័ព្វនេះទៅចិញ្ចឹមបីបាច់
នៅក្នុងមណ្ឌលរបស់ អង្គការ ៕
